சினிமா செய்திகள்
ஐஷ்வர்யா தத்தாவுடன் ரொமான்ஸ் செய்ய இருக்கும் மகத்!
பிக்பாஸ் சீசன் 2-ல் பங்கேற்றுப் பிரபலம் அடைந்துள்ள மகத் மற்றும் ஐஷ்வர்யா தத்தா இருவரும் ரொமாண்டிக் காமெடி படத்தில் இணைந்துள்ளனர்.
இந்தத் திரைப்படத்தினை ஹாலிவுட் இயக்குநர் ராண்டி கெண்ட்டிடம் துணை இயக்குநராகப் பணிபுரிந்த பிரபு ராம் சி என்பவர் இயக்குகிறார்.
இதற்குத்தானே ஆசைப்பட்டாய் பாலகுமாரா, வாலூ ஆகிய படங்களினை போன்று நகைச்சுவைக்கு முக்கியத்துவம் உள்ள படமாக இருக்குமாம். மகத் வட சென்னை இளைஞராக இருந்துகொண்டு ஐஷ்வர்யாவை கவர்ந்து காதலிக்கும் துள்ளல் கதாப்பாத்திரத்தில் நடிக்க உள்ளாராம். இருவருக்கும் இடையிலான கதாப்பாத்திரம் அனைவரையும் கவரும் விதமாக இருக்கும் என்றும் கூறுகின்றனர்.
மக்த் மற்றும் ஐஷ்வர்யா தேர்வு ஏன் என்று இயக்குநரிடம் கேட்ட போது ஜி வி பிரகாஷ்க்கு மாற்றான ஒரு நாயகனை தேடியதாகவும் அப்போது பிக்பாஸில் இருந்த மகத் இவரைக் கவர்ந்ததாகவும், இவருக்கு ஜோடியாக ஐஷ்வர்யா சரியாக இருப்பார் என்று முடிவு செய்ததாகவும் கூறினார்.
இந்தத் திரைப்படத்திற்கு இன்னும் பெயர் வைக்கப்படாத நிலையில் வருனாலயா சினி கிரியேஷன்ஸ் நிறுவனம் தயாரிக்கிறது. டிசம்பர் மாதம் முதல் படப்படிப்பு தொடங்க உள்ள நிலையில் பிற நடிகர்களுக்கான தேடுதல் பணிகள் முழு வீச்சாக நடைபெற்று வருகிறது எனச் செய்தி சுருள் தளத்திற்குக் கிடைத்த தகவல்கள் கூறுகின்றன.