சினிமா
வடிவேலு கையில துப்பாக்கி.. உதயநிதி கையில பட்டாக்கத்தி.. மிரட்டும் மாமன்னன் போஸ்டர்!
இயக்குநர் மாரி செல்வராஜ் இயக்கத்தில் வடிவேலு, உதயநிதி ஸ்டாலி, கீர்த்தி சுரேஷ் மற்றும் ஃபகத் ஃபாசில் நடிப்பில் உருவாகி உள்ள மாமன்னன் படத்தின் ஃபர்ஸ்ட் லுக் போஸ்டர் நாளை வெளியாகும் என அறிவிக்கப்பட்டுள்ள நிலையில், தற்போது ஒரு அசத்தலான போஸ்டர் வெளியாகி உள்ளது.
”பிறப்பொக்கும் எல்லா உயிர்க்கும்” என பதிவிட்டு இயக்குநர் மாரி செல்வராஜ் இந்த போஸ்டரை தனது ட்விட்டர் பக்கத்தில் பதிவிட்டுள்ளார்.
#image_title
வேட்டி சட்டை அணிந்து கொண்டு அரசியல்வாதியாக வடிவேலு தோற்றமளித்துள்ள நிலையில், அவரது கையில் துப்பாக்கியும் கண்களில் காமெடிக்கு பதிலாக உண்மையில் கொலைவெறியும் தெரிகிறது.
அதே போல மறுபக்கத்தில் உதயநிதி ஸ்டாலின் பட்டாக்கத்தியுடன் தனது தந்தையுடன் சோபாவில் அமர்ந்துள்ள போஸ்டர் ரசிகர்களை வெகுவாக கவர்ந்து வருகிறது.
#image_title
மாமன்னன் படத்தின் ஆரம்ப அறிவிப்பில் இருந்து ஒவ்வொன்றையும் இயக்குநர் மாரி செல்வராஜ் பார்த்து பார்த்து செய்து வருகிறார். இதுதான் ஃபர்ஸ்ட் லுக் போஸ்டரா? அல்லது நாளைக்கு வேற ஒரு போஸ்டர் வருமா? என ரசிகர்கள் கேள்வி எழுப்பி வருகின்றனர்.
அப்படியே தேவர்மகன் காப்பி தானா இந்த படத்தின் கதை என்றும் நெட்டிசன்கள் ட்ரோல் செய்து வருகின்றனர்.
