சினிமா செய்திகள்
’தளபதி விஜய்யின் அடுத்தடுத்த இரண்டு படங்களின் தயாரிப்பு நிறுவனங்கள் குறித்த தகவல்!
தளபதி விஜய் நடித்து வரும் 65வது திரைப் படத்தை சன் பிக்சர்ஸ் நிறுவனம் தயாரித்து வருகிறது என்பதும் இந்த படத்தை நெல்சன் திலீப் குமார் இயக்கி உள்ளார் என்பதும் தெரிந்ததே.
இந்த நிலையில் ‘தளபதி 66’ மற்றும் ‘தளபதி 67’ படங்களின் தயாரிப்பு நிறுவனங்கள் குறித்த தகவல்கள் தற்போது கசிந்துள்ளது. ‘தளபதி 66’ படத்தை ’மாஸ்டர்’ படத்தை தயாரித்த 7 ஸ்கிரீன் ஸ்டூடியோஸ் லலித் தயாரிக்க உள்ளதாக கூறப்படுகிறது. இந்த படத்தை மீண்டும் லோகேஷ் கனகராஜ் இயக்குவார் என்று கூறப்படுகிறது.
அதேபோல் ‘தளபதி 67’ படத்தை பிரபல தெலுங்கு திரைப்பட தயாரிப்பாளர் தில் ராஜூ தயாரிப்பார் என தெரிகிறது. மேலும் இது ஒரு பான் இந்தியா படம் என்றும் தமிழ் தெலுங்கு ஹிந்தி ஆகிய மொழிகளில் ஒரே நேரத்தில் தயாரிக்க இருப்பதாகவும் கூறப்படுகிறது.
மேலும் இந்த படத்தை இயக்குனர் சிறுத்தை சிவா இயக்க வாய்ப்பு இருப்பதாக தகவல்கள் கசிந்து வருகிறது. தளபதி விஜய்யின் அடுத்தடுத்த படங்களின் தயாரிப்பு நிறுவனங்கள் குறித்த தகவல் கசிந்துள்ளது பெரும் பரபரப்பை ஏற்படுத்தி உள்ளது.