தமிழ்நாடு
குஷ்புவிடம் சிறுமி வைத்த கோரிக்கை: எம்.எல்.ஏ ஆனவுடன் நிறைவேற்றுவதாக வாக்குறுதி!
சென்னை ஆயிரம் விளக்கு தொகுதியில் பாஜக வேட்பாளராக போட்டியிடும் குஷ்புவிடம் சிறுமி ஒருவர் கோரிக்கை வைத்ததாகவும் அந்த கோரிக்கையை அவர் தான் எம்எல்ஏ ஆனவுடன் நிறைவேற்றுவதாக வாக்குறுதி கொடுத்ததாகவும் அவரது டுவிட்டர் பக்கத்தில் பதிவு செய்யப்பட்டுள்ளது.
நடிகை குஷ்பு பாஜக வேட்பாளராக ஆயிரம்விளக்கு தொகுதியில் போட்டியிடுகிறார் என்பதும் இந்த தொகுதியில் திமுக வேட்பாளராக எழிலன் போட்டியிடுகிறார் என்பதும் தெரிந்ததே. இந்த நிலையில் ஆயிரம் விளக்கு தொகுதி முழுவதும் தீவிரமாக பிரச்சாரம் செய்து வரும் குஷ்பு இன்று ஒரு பகுதிக்கு பிரச்சாரம் செய்ய சென்ற போது சிறுமி ஒருவர் குஷ்புவிடம் கோரிக்கை ஒன்றை வைத்திருக்கிறார்.
தனக்கு கண் பார்வை சரியாக தெரியாது என்றும் அதனால் தன்னுடைய வீடு உள்ள சாலையை சீர்படுத்த வேண்டும் என்றும் குண்டும் குழியுமாக இருக்கும் சாலையால் தான் கஷ்டப்படுவதாகவும் தெரிவித்துள்ளார்.
இதனை அடுத்து அந்த சிறுமிக்கு தான் எம்எல்ஏ ஆனவுடன் கண்டிப்பாக இந்த பகுதிக்கு நல்ல சாலை ஏற்பாடு செய்கிறேன் என்றும் கூறி ஆறுதல் அளித்துள்ளார். இதுகுறித்த புகைப்படத்துடன் கூடிய செய்தியை குஷ்பு தனது டுவிட்டர் பக்கத்தில் பதிவு செய்துள்ளார் என்பதும் அந்த டுவிட் தற்போது வைரலாகி வருகிறது என்பதும் குறிப்பிடத்தக்கது.
This kid's request choked me with emotions. She is #Reena. She is partially blind n very unfortunately surgery cannot restore her vision. She has asked me to lay proper road in her bylane for her to play, as she stumbles n hurts herself now. I have promised her I will do it. ❤ pic.twitter.com/LAWXYnF246
— KhushbuSundar (@khushsundar) March 31, 2021
