சினிமா செய்திகள்
ஓடிடியில் ரிலீஸான கே.எஸ்.ரவிகுமாரின் ’மதில்’: பெரும் வரவேற்பு
தமிழ் திரை உலகின் முன்னணி இயக்குனரும், ரஜினிகாந்த் கமல்ஹாசன் உள்பட பல முன்னணி நடிகர்களின் படங்களை இயக்கிவருமான கேஎஸ் ரவிக்குமார் அவ்வபோது குணசித்திர கேரக்டர்களில் நடித்து வருகிறார் என்பது தெரிந்ததே.
இந்த நிலையில் தற்போது ’மதில்’ என்ற திரைப்படத்தில் கேஎஸ் ரவிக்குமார் முக்கிய கேரக்டரில் நடித்துள்ளார். இந்த படம் சமீபத்தில் ஓடிடியில் வெளியாகி உள்ளது என்பது குறிப்பிடத்தக்கது.
இந்த படத்தை பார்த்த ரசிகர்கள் பெரும் வரவேற்பு அளித்து வருகின்றனர். மிகச்சரியான டைட்டில் என்றும் எளிமையான சுவராசியமான கதையம்சம் கொண்ட படம் என்றும் குறிப்பாக இந்த படத்தின் வசனங்கள் ஒவ்வொன்றும் ரசிக்கும்படி இருப்பதாகவும் அதேபோல் காமெடி காட்சிகளும் நன்றாக இருப்பதாகவும் படம் பார்த்தவர்கள் தெரிவித்துள்ளார்கள்.
கேஎஸ் ரவிக்குமார் அவர்களின் நடிப்பு இந்த படத்தின் மிக சிறப்பாக இருப்பதாகவும் இந்த படத்தின் ஹீரோ கேரக்டருக்கு அவர் சிறப்பாக பொருந்துவதாகவும் குறிப்பிட்டுள்ளனர் மேலும் சிறப்பான திரைக்கதை மற்றும் வீடு கட்டுவதால் ஏற்படும் பிரச்சினைகளை மிகவும் அழகாக கூறி உள்ளார்கள் என்றும் படக்குழுவினர்களுக்கு வாழ்த்துக்கள் என்றும் நெட்டிசன்கள் தெரிவித்து வருகின்றனர்.
இதனை அடுத்து இந்த படம் ஓடிடியில் மிகப்பெரிய வெற்றியை பெறும் என்று எதிர்பார்க்கப்படுகிறது. ஏற்கனவே இந்த படம் குறித்த புரோமோஷன் விடியோ ஒன்றை கேஎஸ் ரவிக்குமார் தனது ட்விட்டர் பக்கத்தில் வெளியிட்டு இருந்தார் என்றும் கஷ்டப்பட்டு சேமித்த பணத்தை கொண்டு தான் ஒரு வீடு கட்டியதாகவும் ஆனால் அந்த வீட்டிற்கு ஒரு பிரச்சனை ஏற்பட்டதாகவும் அது என்ன என்று பார்த்து விடுவோம் என்றும் அவர் கூறியிருந்த வீடியோ பெரும் பரபரப்பை ஏற்படுத்தி உள்ளது என்பதும் தெரிந்ததே.
