செய்திகள்
கோல்கட்டா ரயில் விபத்து: 5 பேர் உயிரிழப்பு, 30க்கும் மேற்பட்டோர் காயம் (17-06-2024)
முக்கிய தகவல்கள்:
• மேற்குவங்கத்தில் டார்ஜலிங் பகுதியில் சரக்கு ரயில், பயணிகள் ரயிலின் மீது மோதியதில் 5 பேர் உயிரிழந்தனர்.
• 30க்கும் மேற்பட்டோர் காயமடைந்துள்ளனர்.
• காயமடைந்தவர்கள் மருத்துவமனையில் அனுமதிக்கப்பட்டுள்ளனர்.
• மீட்பு பணிகள் தீவிரமாக நடைபெற்று வருகின்றன.
• விபத்து தொடர்பாக 03323508794, 03323833326 என்ற எண்களில் தகவல் பெறலாம்.
முழு செய்தி:
கோல்கட்டா: மேற்குவங்கத்தில் டார்ஜலிங் பகுதியில் சியால்டாவிற்கு சென்று கொண்டிருந்த கஞ்சன்ஜங்கா எக்ஸ்பிரஸ் ரயில் மீது சரக்கு ரயில் மோதியதில் பயங்கர விபத்து ஏற்பட்டது. இதில் 5 பேர் உயிரிழந்தனர். 30க்கும் மேற்பட்டோர் காயமடைந்தனர்.
சிக்னலில் நிற்காமல் வந்த சரக்கு ரயில், பயணிகள் ரயிலின் பின்புறம் வேகமாக மோதியது. இதில் சரக்கு ரயிலும், பயணிகள் ரயிலின் கடைசி 3 பெட்டிகள் தடம்புரண்டு, சேதமடைந்தது. விபத்து நடந்த இடத்திற்கு 15 ஆம்புலன்ஸ்கள், தேசிய பேரிடர் மீட்பு படையினர் விரைந்து மீட்பு பணிகளில் ஈடுபட்டனர்.
மீட்பு படை அதிகாரிகள் கூறியதாவது: “விபத்தில் 5 பேர் வரை உயிரிழந்தனர். 30க்கும் மேற்பட்டோர் காயமுற்று மருத்துவமனையில் அனுமதிக்கப்பட்டுள்ளனர். விபத்து பகுதியில் மீட்பு பணிகள் தீவிரப்படுத்தப்பட்டுள்ளன.”
இந்த ரயில் விபத்து குறித்து மேற்குவங்க முதல்வர் மம்தா பானர்ஜி தனது சமூகவலைதளத்தில் அதிர்ச்சி தெரிவித்துள்ளார். மேலும், “மீட்பு படையினர் மற்றும் மருத்துவர்கள், ஆம்புலன்ஸ்கள் மற்றும் பேரிடர் குழுக்கள் சம்பவ இடத்திற்கு விரைந்துள்ளன. போர்க்கால அடிப்படையில் நடவடிக்கை துவங்கப்பட்டுள்ளது” என்று கூறியுள்ளார்.
