விஜய்யின் அந்த சீக்ரெட்டை சொன்ன கேத்ரீனா கைஃப்!

நடிகர் விஜய் மற்றும் பாலிவுட் நடிகை கேத்ரீனா கைஃப் இன்று இந்திய அளவில் சமூக வலைதளங்களில் ட்ரெண்டாகி வருகின்றனர்.

தளபதி 63 படத்தில் ஷாருக்கான் நடிக்கிறார் என வந்த செய்தியைப் போல கேத்ரீனா கைஃப் விஜய்க்கு அடுத்த படத்தில் ஜோடியாகிறாரா? என்ற ஆர்வத்தில் பார்த்த பலருக்கும் இன்னொரு ஆச்சர்யம் காத்துக் கிடந்தது.

விஜய்யும், கேத்ரீனா கைஃபும் பல வருடங்களுக்கு முன்பு குளிர்பான விளம்பரம் ஒன்றில் ஒன்றாக இணைந்து நடித்தனர்.

சமீபத்தில் நடந்த ஃபீட் ஆஃப் வித் தி ஸ்டார்ஸ் நிகழ்ச்சியில் கலந்து கொண்ட கேத்ரீனா கைஃப் இடம், பாலிவுட் நட்சத்திரங்களுக்கு நடுவே நடிகர் விஜய்யின் புகைப்படத்தை காண்பித்து கேள்வி எழுப்பினர்.

அதற்கு நடிகை கேத்ரீனா கைஃப் விஜய் சிறந்த நடிகர் அதுமட்டுமின்றி மிகவும் எளிமையானவர் என்றார். மேலும், விஜய் குறித்து பதிலளித்த கேத்ரீனா, குளிர்பான விளம்பரம் ஒன்றில் நடிக்கும் போது, நான் போனில் பிசியாக இருந்தேன். எனது அருகே வந்த அவர், வெகுநேரம் என்னை தொந்தரவு செய்யாமல் அமைதியாக நின்று கொண்டு இருந்தார்.

நான் நிமிர்ந்து பார்க்க ஷூட்டிங் முடிஞ்சுடுச்சு கிளம்பலாம் என்று சொன்னார். நான் பெரிதாக ஒன்றும் செய்து கொண்டிருக்காமல் மொபைலை நோண்டிக் கொண்டிருந்த போதும் என்னை தொந்தரவு செய்யாமல் அமைதியாக இருந்தவர் விஜய் என்று கூறியுள்ளார்.

இந்த செய்தியை அறிந்த தளபதி விஜய்யின் ரசிகர்கள் அதனை ட்விட்டர், இன்ஸ்டாகிராம் உள்ளிட்ட சமூக வலைதளங்களில் ட்ரெண்டாக்கி வருகின்றனர்.