சினிமா
பிக் பாஸ்: கவினிடம் நாக்கை புடுங்குற மாதிரி கேள்வி கேட்ட நடிகை கஸ்தூரி!
பிரபல தமிழ் தொலைக்காட்சியின் பிக் பாஸ் சீசன் 3 நிகழ்ச்சியில் வைல்ட் கார்ட் எண்ட்ரியாக பிரபல தமிழ் நடிகை கஸ்தூரி பிக் பாஸ் வீட்டிற்குள் சென்றுள்ளார். இதில் கஸ்தூரி கவினிடம் நாக்கை புடுங்குற மாதிரி ஒரு கேள்வி கேட்டுள்ளார். இது இன்று வெளியான புரோமோவில் இடம்பெற்றுள்ளது.
பிக் பாஸ் வீட்டில் கவின், ஷாக்சி மற்றும் லாஸ்லியாவிடம் காதலிப்பது போல நடந்துகொள்வது ஒரு பெரும் பிரச்சனையாக கடந்த சில நாட்களாக வெடித்தது. ரசிகர்கள் மத்தியிலும் இது பெரிதாக விவாதிக்கப்பட்டது. மேலும் தான் நான்கு பெண்களை காதலிப்பது போல காமெடிக்கு தனது ஸ்ட்ரேட்டஜிக்காக செய்ததாக சில இடங்களில் கூறியிருந்தார் கவின்.
இந்நிலையில் இந்த விவகாரத்தை வைல்ட் கார்ட் எண்ட்ரியாக பிக் பாஸ் வீட்டிற்குள் சென்றுள்ள நடிகை கஸ்தூரி கவினிடம் கேட்டுள்ளார். இன்று வெளியாகி உள்ள புரோமோவில் கவினிடம் கஸ்தூரி, ஒரே டைம்ல நான்கு பெண்களை காதலிக்கிறது ஒரு காமெடி அப்படின்னு உங்களுக்கு தோன்றிருக்குல என கேட்க சேரன் அவர் காமெடியாகவும் அதை சரியாக செய்யவில்லை என கூறுகிறார். அப்போது கஸ்தூரி எதிர்பார்ப்பு ஜேம்ஸ் பாண்ட் லெவல்ல ஆனால் ரியாலிட்டி வடிவேலு மாதிரி நானும் ப்ளே பாய் தான் நானும் ப்ளே பாய் தான் என கூறி சிரிக்கிறார்.
இதற்கு கவின், அட்லீஸ்ட் வடிவேலு மாதிரியாவது ஏதோ வந்துச்சே என கூறுகிறார். அப்போது கஸ்தூரி, இதுவே ஒரு பொண்ணு எல்லார்கிட்டயும் ஜொல்லு அடிச்சுட்டு இருந்தா அது காமெடியாக இருக்குமா? உங்க மைண்டுல அது காமெடியாக இருக்குமா? என சீரியசான கேள்வியை முன்வைக்கிறார். கஸ்தூரியின் இந்த கேள்வியை கவின் நிச்சயம் எதிர்பார்த்திருக்க மாட்டார். அவர் முகமே மாறிவிட்டது கஸ்தூரியின் நியாயமான கேள்வியால்.
