தமிழ்நாடு
கரூர் திமுக விவசாய அணி செயலாளர் சஸ்பெண்ட்: என்ன காரணம்?
தமிழகத்தில் தேர்தல் பணிகள் விறுவிறுப்பாக நடைபெற்றுக் கொண்டிருக்கும் நிலையில் ஒருசில அரசியல் கட்சிகளில் உள்ள பிரமுகர்கள் சஸ்பெண்ட் செய்யப்பட்டும், நீக்கப்பட்டும் வருகின்றனர் என்ற செய்தியை அவ்வப்போது பார்த்து வருகிறோம்.
அந்த வகையில் தற்போது கரூரை சேர்ந்த திமுக விவசாய அணி செயலாளர் சின்னசாமி என்பவர் கழகத்தின் அடிப்படை உறுப்பினர் உள்ளிட்ட அனைத்து பொறுப்புகளிலிருந்தும் தற்காலிகமாக நீக்கம் செய்யப்படுவதாக அறிவிக்கப்பட்டுள்ளது.
இதுகுறித்து திமுக பொதுச் செயலாளர் துரைமுருகன் வெளியிட்டுள்ள அறிக்கையில் கூறியிருப்பதாவது: கரூர் மாவட்ட சேர்ந்த மாநில விவசாய அணி செயலாளர் கரூர் சின்னசாமி கழக கட்டுப்பாட்டை மீறியும் கழகத்திற்கு அவப்பெயரை ஏற்படுத்தும் வகையிலும் செயல்பட்டு வந்ததால் அடிப்படை உறுப்பினர் உள்ளிட்ட அனைத்து பொறுப்புகளிலிருந்தும் தற்காலிகமாக நீக்கி வைக்கப்படுகிறார்’ என குறிப்பிடப்பட்டுள்ளது. இதனால் பெரும் பரபரப்பு ஏற்பட்டுள்ளது.