சினிமா செய்திகள்
கருப்பு அழகியாக மாறிய நயன்தாரா; ஐரா மேகதூதம் லிரிக் வீடியோ ரிலீஸ்!
லேடி சூப்பர்ஸ்டார் நயன்தாரா முதன்முறையாக இரட்டை வேடங்களில் நடித்து வரும் படம் ஐரா. லக்ஷ்மி எனும் குறும்படத்தை இயக்கி சர்ச்சைகளை விலைக்கு வாங்கி பிரபலமான இயக்குநர் சர்ஜுன் இயக்கத்தில் இந்த படம் உருவாகி வருகிறது.
முன்னதாக, சத்யராஜ், வரலட்சுமி சரத்குமார் நடிப்பில் வெளியான எச்சரிக்கை இது மனிதர்கள் வாழும் இடம் என்ற படத்தை இயக்கியதன் மூலம் தமிழ் சினிமாவுக்கு இயக்குநராக அறிமுகமானார். ஆனால், அந்த படம் சரியாக போகவில்லை.
இந்நிலையில், நயன்தாராவை வைத்து ஐரா படத்தை இயக்கியுள்ளார். இந்த படத்தில் முற்றிலும் மாறுபட்ட கருப்பு அழகியாக குடும்ப பெண்ணாக நயன்தாரா நடித்துள்ளார். அவருக்கு கணவராக கலையரசன் நடித்துள்ளார்.
இந்த படத்தில் இடம்பெற்றுள்ள மேகதூதம் என்ற பாடலின் லிரிக் வீடியோ தற்போது வெளியாகி வைரலாகி வருகிறது.
தாமரை வரிகளில் சுந்தரமூர்த்தி இசையில் உருவான இந்த பாடலை பத்மபிரியா ராகவன் பாடியுள்ளார்.