கருணாஸ் நடிக்கும் அடுத்த பட அறிவிப்பு: டைட்டில் என்ன தெரியுமா?

தேசிய விருது பெற்ற இயக்குனர் பாலா இயக்கிய நந்தா என்ற திரைப்படத்தில் நகைச்சுவை நடிகராக அறிமுகமான நடிகர் கருணாஸ், அதன்பின் பல திரைப்படங்களில் நகைச்சுவை நடிகராகவும் ஒரு சில திரைப் படங்களில் நாயகனாகவும் நடித்தார்.

கடந்த 2016 ஆம் ஆண்டு நடந்த தேர்தலில் திருப்புவனம் தொகுதியில் போட்டியிட்டு வெற்றி பெற்று எம்எல்ஏவான கருணாஸ் கடந்த ஐந்து ஆண்டுகளில் அரசியலில் பிஸியாக இருந்ததால் திரைப்படங்கள் பெரிதாக நடிக்கவில்லை.

இந்த நிலையில் கடந்த மே மாதம் நடந்த தேர்தலில் கருணாஸ் போட்டியிடாததால் தற்போது மீண்டும் அவர் திரைப்படங்களில் நடிக்க ஆரம்பித்துள்ளார். கருணாஸ் முக்கிய வேடத்தில் நடிக்கும் திரைப்படத்தின் படப்பிடிப்பு பூஜை இன்று தொடங்கியது. சென்னையில் இன்று நடந்த இந்த பூஜையில் கருணாஸ், உள்பட பலர் கலந்து கொண்டனர்.

இந்த படத்திற்கு ’ஆதார்’ என்ற டைட்டில் வைக்கப்பட்டுள்ளது. இந்த படத்தை ராம்நாத் பழனிகுமார் என்பவர் இயக்கவுள்ளார். இவர் ஏற்கனவே ’திருநாள்’ என்ற திரைப்படத்தை இயக்கியுள்ளார் என்பது குறிப்பிடத்தக்கது.

இந்த திரைப்படத்தில் அருண்பாண்டியன் திலீபன், ரித்விகா, மனிஷா யாதவ் உள்ளிட்ட பலர் நடிக்க உள்ளனர். ஸ்ரீகாந்த் தேவா இசையமைப்பில் மனோஜ் நாராயணன் ஒளிப்பதிவில் ஜான் பிரிட்டோ படத்தொகுப்பில் இந்த படம் உருவாக உள்ளது என்பதும் இந்த படத்தை அழகன் மகன் சசிக்குமார் என்பவர் தயாரிக்கிறார் என்பது குறிப்பிடத்தக்கது. இந்த படத்தின் ஃபர்ஸ்ட்லுக் போஸ்டர் விரைவில் வெளியாகும் என அறிவிக்கப்பட்டுள்ளது.

seithichurul

See Full Bio