சினிமா செய்திகள்
ஓடிடி-யில் ‘கர்ணன்’- ரிலீஸ் தேதி அறிவிப்பு!
தனுஷ் நடிப்பில் மாரி செல்வராஜ் இயக்கத்தில் கடந்த ஏப்ரல் மாதம் 9 ஆம் தேதி ரிலீஸானது ‘கர்ணன்’ திரைப்படம். தமிழகத்தில் மற்றும் ரிலீஸான அனைத்து இடங்களிலும் வசூல் சாதனைப் புரிந்தது கர்ணன்.
1995 ஆம் ஆண்டு நடந்த ‘கொடியன்குளம்’ சாதிக் கலவரத்தை மையமாக வைத்து கர்ணன் திரைப்படம் எடுக்கப்பட்டது. ஒடுக்கப்பட்ட பட்டியல் இனத்தவர்களின் வலியையும் வேட்கையையும் தத்ரூபமாக காட்சிப் படுத்திய காரணத்தினால் பல தரப்பினரின் பாராட்டுகளையும் பெற்றது கர்ணன்.
The face of the faceless.
Meet #KarnanOnPrime, May 14@dhanushkraja @mari_selvaraj @theVcreations @Music_Santhosh @rajishavijayan @natty_nataraj @LalDirector @iYogiBabu @LakshmiPriyaaC @Gourayy @EditorSelva @thinkmusicindia @thenieswar @idiamondbabu @RIAZtheboss pic.twitter.com/rGXrO9hkMA— amazon prime video IN (@PrimeVideoIN) May 10, 2021
அதே நேரத்தில் கொரோனாவின் இரண்டாவது அலை பரவல் காரணமாக கடந்த சில வாரங்களுக்கு முன்னர் தமிழகத்தில் உள்ள திரையரங்குகள் மூடப்பட்டன. இதன் காரணமாக நன்றாக ஓடி வந்தாலும் திரையரங்குகளில் கர்ணன் படத்தைத் திரையிட முடியாத நிலைமை ஏற்பட்டது.
இதைத் தொடர்ந்து படக்குழு, ஓடிடி தளத்தில் கர்ணன் படத்தைக் கொண்டு வரும் திட்டத்தில் இருந்தது. இந்நிலையில் வரும் மே 14 ஆம் தேதி முதல் கர்ணன் திரைப்படம் ‘அமேசான் பிரைம்’ ஓடிடி தளத்தில் வெளியாகும் என்று அதிகாரப்பூர்வமாக அறிவிக்கப்பட்டு உள்ளது.