தமிழ்நாடு
தமிழக முதல்வர் ஸ்டாலினை சந்தித்த கவியரசு கண்ணதாசன் குடும்பத்தினர்!
தமிழக முதல்வராக சமீபத்தில் பதவியேற்ற முக ஸ்டாலின் அவர்களை பல பிரபலங்கள் தொடர்ச்சியாக மரியாதை நிமித்தமாக சந்தித்து வருகின்றனர் என்பதை பார்த்து வருகிறோம். குறிப்பாக தொழிலதிபர்கள், அரசியல் தலைவர்கள், திரையுலக பிரபலங்கள் அவரை சந்தித்து புகைப்படம் எடுத்துக் கொண்டனர் என்பதும் அந்த புகைப்படங்கள் வைரலாகி வருகின்றன என்பதும் குறிப்பிடத்தக்கது.
இந்த நிலையில் தற்போது மறைந்த கவியரசு கண்ணதாசன் அவர்களின் குடும்பத்தினர் தமிழக முதல்வர் முக ஸ்டாலின் அவர்களை சந்தித்துள்ளனர். சென்னை தலைமைச் செயலகத்தில் கண்ணதாசன் குடும்பத்தினர்களாகிய அமுதா கலைவாணன் கண்ணதாசன், டாக்டர் சத்தியலட்சுமி, ஆதவ் கண்ணதாசன் ஆகியோர் முதல்வரை சந்தித்தனர்.
இந்த சந்திப்பு மரியாதை நிமித்தம் சந்திப்பு என்று கூறப்பட்டது. மேலும் இந்த சந்திப்பின் போது கண்ணதாசனின் புத்தகங்களை முதல்வருக்கு கண்ணதாசன் குடும்பத்தினர் பரிசாக அளித்துள்ளனர் என்பது குறிப்பிடத்தக்கது. மறைந்த கவியரசு கண்ணதாசன் அவர்களும் மறைந்த தமிழக முதல்வர் கருணாநிதி அவர்களும் நெருங்கிய நண்பர்களாக இருந்தனர் என்பது குறிப்பிடத்தக்கது.