சினிமா செய்திகள்
‘எல்லாத்தையும் பிசினஸாக பார்க்கக் கூடாது’- கமல்ஹாசனை விமர்சித்த கங்கனா!
எங்களது தாய்மைக்கு நீங்கள் விலை கொடுக்க வேண்டாம். எங்கள் வீடு என்னும் குட்டி ராஜாங்கத்தின் ராணியாக இருப்பதற்கு எங்களுக்கு ஊதியம் தேவையில்லை.
நடிகர் கமல்ஹாசன் தனது தேர்தல் பிரசாரத்தின் போது குடும்பத்தை நிர்வகிக்கும் குடும்பத் தலைவிக்கு மாதந்தோறும் ஊதியம் வழங்கப்படும் என்றும் இதை மக்கள் நீதி மய்யம் ஆட்சியைப் பிடித்தால் செய்யும் என்றும் தெரிவித்திருந்தார்.
குடும்பப் பெண்களுக்கு குடும்பத்தை நிர்வகிக்கு ஊதியம் வழங்கப்படும் திட்டம் நல்ல திட்டம் என்றும் அதைத் தான் ஆதரிப்பதாகவும் காங்கிரஸ் எம்.பி.சசி தரூர் தெரிவித்து இருந்தார். இதற்கு நடிகை கங்கனா ரணாவத் கண்டனம் தெரிவிக்கும் வகையில் விமர்சனம் செய்துள்ளார்.
இதுகுறித்து நடிகை கங்கனா ரணாவத் தனது ட்விட்டர் பக்கத்தில், “எங்களுக்குப் பிரியமானவர்களுடன் உறவு வைத்துக் கொள்வதற்கு எல்லாம் ஒரு விலைப் பட்டியலை எங்கள் மீது போடாதீர்கள். எங்களது தாய்மைக்கு நீங்கள் விலை கொடுக்க வேண்டாம். எங்கள் வீடு என்னும் குட்டி ராஜாங்கத்தின் ராணியாக இருப்பதற்கு எங்களுக்கு ஊதியம் தேவையில்லை. அனைத்தையும் தொழில் ரீதியாகப் பார்க்காதீர்கள். உங்களுக்கானவள் முன் சரண் அடையுங்கள். உங்களது அன்பு/மரியாதை/ஊதியம் மட்டுமல்ல உங்களையே மொத்தமாகத் தான் அவளுக்குத் தேவை” எனக் குறிப்பிட்டுள்ளார்.
Don’t put a price tag on sex we have with our love, don’t pay us for mothering our own, we don’t need salary for being the Queens of our own little kingdom our home,stop seeing everything as business. Surrender to your woman she needs all of you not just your love/respect/salary. https://t.co/57PE8UBALM
— Kangana Ranaut (@KanganaTeam) January 5, 2021
