சினிமா செய்திகள்
’இந்தியன் 2’ படத்தை கமல்ஹாசனே இயக்க போகிறாரா? அதிர்ச்சி தகவல்
![Indian 2 - Bhoomitoday](https://www.bhoomitoday.com/wp-content/uploads/2018/12/Indian-2.jpg)
’இந்தியன் 2’திரைப்படத்தை கமல்ஹாசனே இயக்க உள்ளதாக கோலிவுட்டில் ஒரு செய்தி கசிந்து வருவது பெரும் பரபரப்பை ஏற்படுத்தியுள்ளது.
கமல்ஹாசன் நடிப்பில் லைக்கா நிறுவனம் தயாரிக்கும் ’இந்தியன் 2’ படத்தின் படப்பிடிப்பு பல மாதங்களாக நடைபெறாமல் உள்ளது. இதனை அடுத்து இயக்குனர் ஷங்கர் தெலுங்கு திரைப்படம் ஒன்றை இயக்க சென்றுவிட்டார். இதனால் அதிர்ச்சி அடைந்த லைகா நிறுவனம் தங்கள் திரைப்படத்தை இயக்கி முடித்து விட்டுதான் ஷங்கர் மற்ற திரைப்படங்களை இயக்க வேண்டும் என வழக்கு தொடர்ந்தது. இந்த வழக்கு நீதிமன்றத்தில் நடைபெற்று வருகிறது.
இந்த நிலையில் சமீபத்தில் நீதிமன்றத்தின் அறிவுரையின் பேரில் ஷங்கர் மற்றும் லைகா தரப்பினர் பேச்சுவார்த்தை நடத்தியதில் அந்த பேச்சுவார்த்தை தோல்வியில் முடிந்தது. இந்த நிலையில் ஷங்கர் தெலுங்கு திரைப்படத்தை முடித்துவிட்டு திரும்பி ’இந்தியன் 2’ படத்திற்கு திரும்பி வர ஒரு ஆண்டுக்கு மேல் ஆகும் என்பதால் கமலஹாசனே ’இந்தியன் 2’ படத்தை இயக்க முடிவு செய்து இருப்பதாக ஒரு வதந்தி கோலிவுட்டில் பரவி வருகிறது. ஆனால் இந்த தகவலை கமல்ஹாசன் தரப்பினரும் லைகா தரப்பினரும் இன்னும் உறுதி செய்யவில்லை என்பது குறிப்பிடத்தக்கது.
’இந்தியன் 2’ படத்தின் படப்பிடிப்பு ஏற்கனவே 60 சதவீதத்திற்கு மேல் முடிந்துவிட்டதாகவும் மீதி உள்ள படப்பிடிப்பை கமலஹாசனால் இயக்க முடியும் என்று நம்பிக்கை தெரிவித்ததாகவும் கூறப்பட்டு வருவதால் அவர் இந்த படத்தை அவர் இயக்குவாரா என்பதை பொறுத்திருந்து பார்ப்போம்.