நாட்டிற்கு இதனால் ஆகப்போவதென்ன? மத்திய அமைச்சரவை விரிவாக்கம் குறித்து கமல்ஹாசன்!

மத்திய அமைச்சரவை இன்று விரிவாக்கம் செய்யப்படும் என ஏற்கனவே வெளியான தகவலின் அடிப்படையில் புதிய மத்திய அமைச்சர்கள் பட்டியல் சற்று முன் வெளியானது என்பதை ஏற்கனவே பார்த்தோம்

43 புதிய அமைச்சர்கள் பட்டியலில் தமிழகத்தைச் சேர்ந்த எல் முருகன் அவர்கள் பெயரும் இருந்தது என்பது குறிப்பிடத்தக்கது. இந்தநிலையில் புதிய அமைச்சர்கள் தற்போது ஜனாதிபதி மாளிகையில் பதவியேற்று வருகின்றனர் என்பதும் அவர்களுக்கு ஜனாதிபதி ராம்நாத் கோவிந்த் அவர்கள் பதவி பிரமாணம் செய்து வருகிறார் என்பதும் இந்த நிகழ்ச்சியில் பிரதமர் மோடி, துணை ஜனாதிபதி வெங்கையா நாயுடு உள்பட பலர் கலந்து கொண்டுள்ளனர் என்பதும் குறிப்பிடத்தக்கது

இந்த நிலையில் மத்திய அமைச்சரவை குறித்து மக்கள் நீதி மையம் கட்சியின் தலைவர் கமல்ஹாசன் அவர்கள் தனது டுவிட்டரில் விமர்சனம் செய்து கூறியிருப்பதாவது:

தமிழகத்திற்கு ஒரு மத்திய அமைச்சர் கிடைத்திருக்கிறார் என்று மகிழ முடியாதபடி இருக்கிறது அமைச்சரவை விரிவாக்கம். நாடு அனைத்துத் துறைகளிலும் பின்னடைந்திருக்கிறது. இந்தச் சரிவிலிருந்து மீளும் நோக்கத்தில் அமைச்சரவை மாற்றம் நடந்திருக்கவேண்டும்.

ஆனால், உள்கட்சித் தலைவர்கள், வேறு கட்சிகளிலிருந்து இணைந்தவர்கள், வரவிருக்கிற மாநில தேர்தல்கள் ஆகியவற்றை மனதில் வைத்து நடந்திருக்கும் இந்த விரிவாக்கம் பாஜகவிற்கு வேண்டுமானால் நன்மை பயக்கலாம். நாட்டிற்கு இதனால் ஆகப்போவதென்ன?

ஆனால், உள்கட்சித் தலைவர்கள், வேறு கட்சிகளிலிருந்து இணைந்தவர்கள், வரவிருக்கிற மாநில தேர்தல்கள் ஆகியவற்றை மனதில் வைத்து நடந்திருக்கும் இந்த விரிவாக்கம் பாஜகவிற்கு வேண்டுமானால் நன்மை பயக்கலாம். நாட்டிற்கு இதனால் ஆகப்போவதென்ன? (2/2)

— Kamal Haasan (@ikamalhaasan) July 7, 2021