சினிமா செய்திகள்
மீண்டும் மருதநாயகம்.. ஆனால் ஒரு டிவிஸ்ட்!
![Maruthanayagam - Bhoomitoday](https://www.bhoomitoday.com/wp-content/uploads/2020/11/Maruthanayagam.jpg)
கமல் தயாரித்து, இயக்கி நடிக்க இருந்து நீண்ட நாட்களாகக் கிடப்பில் போடப்படும் படம் மருதநாயகம்.
பிரம்மாண்டமான பொருட் செலவில், சுதந்திரப் போராட்ட கதை கலாமாகக் கொண்டு உருவான படம் மருதநாயகம். இந்த படத்தின் பூஜைக்கு இங்கிலாந்து ராணி வந்து தொடக்கி வைத்தார்.
ஆனால் அப்போது கமலுக்கு இருந்த நிதி பிரச்சனை மற்றும் இன்னும் பல காரணங்களுக்காகப் படம் கிடப்பில் போடப்பட்டது. ஆனால் எப்படியும் இந்த படத்தை எடுத்தே தீர வேண்டும் என்று கமல் இன்று வரை இருந்து வருகிறார்.
ஆனால் அந்த படத்தின் டீசரில் உள்ளது போன்ற காட்சிகளில், வயதின் மூப்பு காரணமாகக் கமல் இப்போது நடிப்பது சந்தேகம். எனவே வேறு நடிகர்களை வைத்து மருதநாயகம் படத்தைக் கமல் இயக்க முடிவு செய்துள்ளதாகக் கூறப்படுகிறது.
எப்படி இருந்தாலும், மருதநாயகம் படத்தைக் கமல் தயாரித்து இயக்குவார் என்று ஆழ்வார்பேட்டை வட்டாரங்கள் கூறுகின்றன.
இப்போது ராஜ் கமல் பிலிம்ஸ் சார்பாக விக்ரம் என்ற படத்தைக் கமல்ஹாசன் தயாரித்து நடித்து வருகிறார். லோகேஸ் கனகராஜ் இந்த படத்தை இயக்குகிறார். அதன் டைட்டில் டீசர் அண்மையில் வெளியாகி ரசிகர்கள் மத்தியில் பெரும் வரவேற்பைப் பெற்று இருந்தது குறிப்பிடத்தக்கது.