சினிமா செய்திகள்
வெற்றிமாறன் இயக்கத்தில் கமல்ஹாசன்: இருவருக்கும் ஒத்து வருமா?
உலகநாயகன் கமல்ஹாசன் நடிப்பில் வெற்றிமாறன் இயக்கத்தில் ஒரு திரைப்படம் உருவாக இருப்பதாக தகவல் வெளிவந்து கொண்டிருப்பது கோலிவுட்டில் பெரும் பரபரப்பை ஏற்படுத்தி உள்ளது
கமல்ஹாசன் ஏற்கனவே ஷங்கர் இயக்கத்தில் ’இந்தியன் 2’என்ற படத்தில் நடித்து வருகிறார். இந்த படம் பல்வேறு பிரச்சினைகள் காரணமாக படப்பிடிப்பு நிறுத்தப்பட்டு உள்ளது என்பது குறிப்பிடத்தக்கது. மேலும் அவர் லோகேஷ் கனகராஜ் இயக்கத்தில் ’விக்ரம்’ என்ற படத்தில் நடிக்கப் போகிறார் என்பதும் இந்த படத்தின் படப்பிடிப்பு விரைவில் தொடங்க உள்ளதாகவும் கூறப்படுகிறது. அதுமட்டுமின்றி மலையாளத்தில் சூப்பர் ஹிட் வெற்றி பெற்ற த்ரிஷ்யம் படத்தின் இரண்டாம் பாகமான ’பாபநாசம் 2’ படத்திலும் கமல்ஹாசன் நடிக்க இருப்பதாகவும் இதற்கான ஆரம்பகட்ட பணிகள் தொடங்கப்பட்டுவிட்டதாக கூறப்படுகிறது.
இந்த நிலையில் கமல்ஹாசன் நடிப்பில் வெற்றிமாறன் இயக்கத்தில் ஒரு படம் உருவாக இருப்பதாகவும் இந்த படத்தை கோபுரம் பிலிம்ஸ் நிறுவனம் தயாரிக்க இருப்பதாகவும் கூறப்படுகிறது. கமலஹாசன் தன்னுடைய படங்களில் அனைத்து விஷயத்திலும் தலையிடுவார் என்று கூறப்படும் நிலையில் எந்த தலையீட்டையும் விரும்பாமல் படம் இயக்கும் வெற்றிமாறன் அதனை அனுமதிப்பாரா? என்பதையும் பொறுத்திருந்து தான் பார்க்க வேண்டும். ஆனால் அதே நேரத்தில் கோபுரம் பிலிம்ஸ் தயாரிப்பு என்பதால் இந்த படம் விரைவில் தொடங்கும் என்றும் அதுமட்டுமின்றி இருவரும் தேசிய விருது பெற்றவர்கள் என்பதால் இந்த படமும் தேசிய விருது பெற வாய்ப்பு இருப்பதாகவும் கூறப்படுகிறது.
இந்த படம் குறித்து நடிகை கஸ்தூரி தனது டுவிட்டரில் டுவிட் ஒன்றை பதிவு செய்துள்ளார். அந்த டுவிட் இதோ:
When Asuran says Anbe Sivam….@VetriMaaran join hands with @ikamalhaasan .
This is bound to be interesting.They share ideology, differ in style. I dare say it will be more a Vetrimaaran film than a Kamal film.
Produced by Anbuchezhian's Gopuram films, so no chance for delay 🙂 pic.twitter.com/ZBScwhODmS— Kasturi Shankar (@KasthuriShankar) June 30, 2021
