மைக் வேலை செய்யாத கடுப்பில் டார்ச்லைட்டை தூக்கியடித்த கமல்!

கமல், எதிர் வரும் சட்டமன்றத் தேர்தலில் கோவை தெற்குத் தொகுதியில் போட்டியிடுகிறார். மேலும் சரத்குமார் தலைமையிலான சமத்துவ மக்கள் கட்சி, பாரிவேந்தர் தலைமையிலான இந்திய ஜனநாயக கட்சியுடன் கூட்டணி வைத்து இத்தேர்தலை சந்திக்கிறார். மக்கள் நீதி மய்யம், இந்த தேர்தலில் ஆட்சியைப் பிடிக்கும் அளவுக்கு வளரவில்லை என்று கருத்துக் கணிப்பு முடிவுகள் வந்து கொண்டிருக்கின்றன. அதே நேரத்தில் கமல் உட்பட மய்யத்தின் முக்கிய பிரமுகர்கள் சிலர் வெற்றி பெறுவார்கள் எனக் கூறப்படுகிறது.

கமல், தன் சொந்த தொகுதியில் மட்டுமல்லாமல் பல்வேறு மாவட்டங்களில் தொடர்ந்து தீவிரப் பிரச்சாரத்தில் ஈடுபட்டு வருகிறார்.

இப்படி நேற்று மதுரையின் பல பகுதிகளில் மக்கள் நீதி மய்யத்தின் வேட்பாளர்களை ஆதரித்து, வாகனம் மீது ஏறி பிரச்சாரத்தில் ஈடுபட்டார் கமல். அப்போது ஒரு கட்டத்தில் அவர் பேசிக் கொண்டிருந்த மைக் வேலை செய்யாமல் சொதப்பியது. இதனால் கடுப்பான கமல், மிகவும் கோபமடைந்து, வாகனத்துக்கு உள்ளே இருந்த அவர் குழு மீது கையில் வைத்திருந்த டார்ச்லைட்டை எறிந்தார். இந்த அதிர்ச்சிகர சம்பவம் அனைத்தும் காணொலியில் பதிவாகி வைரலாகி வருகிறது.

என்ன தான் கோபம் என்றாலும், தன் சொந்த கட்சியன் சின்னத்தையே கமல் இப்படி தூக்கியெறிலாமா என்கிற கேள்வியும் எழுந்துள்ளது.