சினிமா செய்திகள்
’மாஸ்டர்’ மாதிரி ஆகிவிட கூடாது: லோகேஷ் கனகராஜூக்கு கமல் போட்ட கண்டிஷன்!
தளபதி விஜய் நடித்த ’மாஸ்டர்’ திரைப்படத்தை அடுத்து லோகேஷ் கனகராஜ் இயக்க இருக்கும் திரைப்படம் ’விக்ரம்’. கமல்ஹாசன் முக்கிய வேடத்தில் நடிக்கவிருக்கும் இந்த படத்தில் வில்லனாக ராகவா லாரன்ஸ் நடிக்க இருப்பதாக சமீபத்தில் செய்திகள் வெளியானது.
இந்த நிலையில் கமல்ஹாசன், இயக்குநர் லோகேஷிடம் ‘விக்ரம்’ திரைப்படம் ‘மாஸ்டர்’ படம் மாதிரி ஆகிவிடக்கூடாது என்று கண்டிசன் போட்டதாக தகவல்கள் வெளிவந்துள்ளன. லோகேஷ் கனகராஜ் இயக்கிய ‘மாஸ்டர்’ படத்தின் ஹீரோவாக விஜய் இருந்தாலும் அந்த படத்தின் வில்லன் விஜய் சேதுபதிதான் பேரையும் புகழையும் தட்டிக்கொண்டு சென்று விட்டார் என்பது குறிப்பிடத்தக்கது.
யாரை கேட்டாலும் ‘மாஸ்டர்’ திரைப்படம் விஜய் சேதுபதி படம் என்றே கூறி வருகின்றனர். அதேபோல் ராகவா லாரன்ஸ் வில்லனாக நடிப்பதால், ‘விக்ரம்’ திரைப்படம் அவருடைய திரைப்படமாக மாறிவிடக் கூடாது என்று கண்டிஷனாக கமல் போட்டிருப்பதாக லோகேஷ் கனகராஜ் தரப்பினர்களிடம் இருந்து தகவல்கள் வெளிவந்துள்ளன.
இருப்பினும் படம் வெளிவந்த பின்னர் தான் அந்த படம் கமல் படமா? அல்லது ராகவா லாரன்ஸ் படமா? என்பதை உறுதி செய்ய முடியும்.