சினிமா
கமல் – விஜய் சேதுபதி இணையும் ‘தேவர் மகன் 2’ – விரைவில் அறிவிப்பு
கமல்ஹாசன் கதை, திரைக்கதை, வசனம் எழுதி மலையாள இயக்குனர் பரதர் இயக்கி மெகா வெற்றி பெற்ற திரைப்படம் தேவர் மகன். இப்படத்தில் கமலின் அப்பாவாக சிவாஜி நடித்திருப்பார். மேலும், கவுதமி, நாசர் உள்ளிட்ட பலரும் நடித்திருந்தனர். இப்படம் 1992ம் ஆண்டு வெளியானது.
அப்படத்திற்கு பின் கமல்ஹாசன் சண்டியர் திரைப்படம் எடுத்தபோது பாமக உள்ளிட்ட சில கட்சிகள் அவருக்கு எதிர்ப்பு தெரிவித்தது. அதனால் தலைப்பை விருமாண்டி என மாற்ற வேண்டியிருந்தது. அதன்பின் தேவர் மகன் 2 எடுப்பது பற்றி கமல்ஹாசனிடம் பல முறை கேட்கப்பட்டது. ஆனால், அவர் மௌனம் சாதித்து வந்தார்.
மலையாள இயக்குனர் மகேஷ் நாராயணுக்காக கமல் ஒரு கதையை எழுதி வருகிறார். அதுதான் தேவர்மகன் 2 எனக்கூறப்படுகிறது. இப்படத்தில் விஜய் சேதுபதி வில்லனாக நடிக்க வாய்ப்பிருப்பதாக கூறப்படுகிறது. கமலுடன் விஜய் சேதுபதி ‘விக்ரம்’ படத்தில் நடித்து வருவது குறிப்பிடத்தக்கது.