சினிமா செய்திகள்
‘விக்ரம்’ படத்தில் கமல்ஹாசனின் கேரக்டர் இதுவா? ஒரு ஆச்சரிய தகவல்!
![vikram kamal - Bhoomitoday](https://www.bhoomitoday.com/wp-content/uploads/2021/03/vikram-kamal.jpg)
தளபதி விஜய் நடித்த மாஸ்டர் படத்தை இயக்கிய கையோடு கமல்ஹாசன் நடிக்கும் ‘விக்ரம்’ திரைப்படத்தை இயக்க இயக்குனர் லோகேஷ் குமார் ஒப்பந்தம் செய்யப்பட்டார் என்பதும் இந்த படத்தின் டிரைலர் கடந்த சில மாதங்களுக்கு முன் வெளியானது என்பதும் தெரிந்ததே.
ஆனால் இடையில் திடீரென தேர்தல் வந்து விட்டதால் கமல்ஹாசன் தேர்தல் பிரச்சாரங்களில் பிசியானதால் இந்த படத்தின் படப்பிடிப்பு நடைபெறவில்லை. தற்போது தேர்தல் பணிகள் முடிவடைந்து விட்டதால் கமலஹாசன் மீண்டும் அடுத்த படத்துக்கு தயாராகியுள்ளார்.
இந்த படத்தின் படப்பிடிப்பு இன்னும் ஒரு சில நாட்களில் தொடங்கும் என்று எதிர்பார்க்கப்படுகிறது. இந்த நிலையில் கமல்ஹாசன் இந்த படத்தில் போலீஸ் கேரக்டரில் நடிக்க இருப்பதாக படக்குழுவினர்களிடம் இருந்து தகவல்கள் கசிந்துள்ளது. இதற்கு முன்னர் கமல்ஹாசன் கடந்த 2006 ஆம் ஆண்டு வெளிவந்த ’வேட்டையாடு விளையாடு’ என்ற படத்தில்தான் போலீஸ் கேரக்டரில் நடித்து இருந்தார் என்பதும் அதன் பின்னர் 15 ஆண்டுகள் கழித்து மீண்டும் அவர் போலீஸ் கேரக்டரில் நடிக்க உள்ளார் என்பதும் குறிப்பிடத்தக்கது.
மேலும் இந்த படம் 90% ஒரே ஒரு ரெஸ்டாரண்டில் தான் படமாக்கப்பட இருப்பதாகவும் இதனை அடுத்து ரெஸ்டாரண்ட் செட் போடும் பணிகள் தற்போது பெற்று வருவதாகவும் கூறப்படுகிறது. இந்த படத்திற்கு அனிருத் இசையமைக்கிறார் என்பதும் ராஜ்கமல் இண்டர்நேஷனல் நிறுவனம் தயாரிக்கவுள்ளது என்பதும் தெரிந்ததே.