சினிமா
வளையோசை கலகல!…வைரலாகும் விஜய் சேதுபதி ஷூட்டிங் வீடியோ…
விஜய் சேதுபதி தற்போது விக்னேஷ் ஷிவன் இயக்கத்தில் ‘காத்துவாக்குல ரெண்டு காதல்’ என்கிற படத்தில் நடித்து வருகிறார். இப்படத்தை விக்னேஷ் சிவன் இயக்கி வருகிறார். நானும் ரவுடிதான் படத்திற்கு பின் விக்னேஷ் சிவன், விஜய்சேதுபதி, நயன்தாரா ஆகியோர் இப்படத்திற்காக மீண்டும் இணைந்துள்ளனர். அதேநேரம் மற்றொரு கதாநாயகியாக சமந்தா நடிக்கவுள்ளார். இப்படத்தின் படப்பிடிப்பு தற்போது புதுச்சேரியில் நடைபெற்று வருகிறது.
இந்நிலையில், இப்படத்தின் படப்பிடிப்பு தொடர்பான ஒரு வீடியோ வெளியாகியுள்ளது. கமல், அமலா நடித்த சத்யா திரைப்படத்தில் ‘வலையோசை கலகலவென’ பாடலில் பேருந்தின் படிக்கட்டில் அமலாவும், கமலும் நின்று பயணிப்பது போல் ஒரு காட்சி இடம் பெற்றிருக்கும். இப்படத்திற்காகவும் அதேபோல் ஒரு காட்சி படம்பிடிக்கப்பட்டுள்ளது. ஆனால், படிக்கெட்டில் சமந்தாவும், நயன்தாராவும் நிற்க விஜய் சேதுபதி பின்னால் நிற்பது போல படம்பிடிக்கப்படும் வீடியோதான் சமூக வலைத்தளங்களில் வெளியாகியுள்ளது.
