காப்பான் கதை திருட்டு வழக்கைத் தள்ளுபடி செய்தது சென்னை உயர் நீதிமன்றம்!

சூர்யா நடிப்பில் செப்டம்பர் 20-ம் தேதி வெளியாக இருக்கும் திரைப்படம் காப்பான்.

காப்பான் திரைப்படத்தின் கதையும், தன்னுடைய சரவெடி திரைப்பட கதையும் ஒன்று என ஜான் சார்லஸ் என்பவர் சென்னை நீதிமன்றத்தில் வழக்கு ஒன்றைத் தொடர்ந்திருந்தார்.

அதற்கு மறுப்பு தெரிவித்த காப்பான் திரைப்படத்தின் இயக்குநர் கே.வி.ஆனந்த், செய்தியாளர்களைச் சந்தித்த போது, முகம் தெரியாத நபர்களிடம் நான் கதை கேட்பதில்லை, கதையும் திருடப்படவில்லை என்று கூறியிருந்தார்.

இந்நிலையில், இன்று அந்த வழக்கை விசாரித்த நீதிபதிகள் கதை திருடப்பட்டதற்கு எந்த ஆதாரமும் இல்லை என தள்ளுபடி செய்து உத்தரவிட்டனர். தமிழ் சினிமாவில் முன்னணி நடிகர்களின் திரைப்படங்கள் வெளியாகும் போது கதை திருடப்பட்டுள்ளதாக வழக்கு தொடர்வது வாடிக்கையாகியுள்ளது குறிப்பிடத்தக்கது.