தமிழ்நாடு
திமுக கூட்டணி அமோக வெற்றி பெறும்: ஜூனியர் விகடன் கருத்துக்கணிப்பு!
![congress dmk - Bhoomitoday](https://www.bhoomitoday.com/wp-content/uploads/2021/03/congress-dmk.jpg)
வரும் தேர்தலில் திமுக அமோக வெற்றி பெற்று ஆட்சியை பிடிக்கும் என ஜூனியர்விகடன் தனது கருத்துக் கணிப்பை வெளியிட்டுள்ளது.
தமிழகத்தில் சட்டமன்ற தேர்தல் நடைபெற இருக்கும் நிலையில் ஏற்கனவே பல கருத்துக் கணிப்புகள் திமுகவுக்கு சாதகமாக வெளிவந்துள்ளன என்பது குறிப்பிடத்தக்கது. இந்த நிலையில் தற்போது வெளிவந்துள்ள ஜூனியர்விகடன் கருத்துக் கணிப்பின்படி திமுக கூட்டணிக்கு 163 தொகுதிகள் கிடைக்கும் என கணிக்கப்பட்டுள்ளது.
இதில் திமுகவுக்கு 125 தொகுதிகளும், காங்கிரஸ் கட்சிக்கு 19 தொகுதிகளும், மதிமுகவுக்கு ஐந்து தொகுதிகளும் கம்யூனிஸ்ட் கட்சிக்கு 4 தொகுதிகளும் மார்க்சிஸ்ட் கம்யூனிஸ்ட் கட்சிக்கு 2 தொகுதிகளும், தமிழர் வாழ்வுரிமை கட்சி, பார்வர்டு பிளாக், மனிதநேய மக்கள் கட்சி ஆகியவற்றுக்கு தலா ஒரு தொகுதியும் விடுதலை சிறுத்தைகள் கட்சிக்கு 2 தொகுதிகளும், கிடைக்கும் என கணிக்கப்பட்டுள்ளது.
அதிமுக கூட்டணியில் உள்ள அதிமுகவுக்கு 48 தொகுதிகளும், பாமகவுக்கு ஆறு தொகுதிகளும், தமிழ் காங்கிரஸ் கட்சிக்கு ஒரு தொகுதியும், புரட்சி பாரதம் கட்சிக்கு ஒரு தொகுதியும் கிடைக்கும் என கணிக்கப்பட்டுள்ளது.
அதிமுக கூட்டணியில் உள்ள பாஜகவுக்கு ஒரு தொகுதியில் கூட வெற்றி இல்லை என்றும் மக்கள் நீதி மய்யம் கூட்டணிக்கு ஒரே ஒரு தொகுதியும் தினகரன் கூட்டணிக்கு ஒரே ஒரு தொகுதியும் கிடைக்கும் என கணிக்கப்பட்டுள்ளது.
இந்த கருத்துக் கணிப்பின்படி திமுக தனித்து ஆட்சி அமைக்க உள்ளது என்பது குறிப்பிடத்தக்கது. இருப்பினும் இந்த கருத்துக் கணிப்பின்படி தேர்தல் முடிவு இருக்குமா என்பதை மே 2ஆம் தேதி வரை பொறுத்திருந்துதான் பார்க்க வேண்டும்.