வேலைவாய்ப்பு
ரயில்வேயில் விளையாட்டு வீரர்களுக்கு வேலை!உடனே விண்ணப்பியுங்கள்!
ஜெய்ப்பூரை தலைமையிடமாகக் கொண்டு செயல்பட்டு வரும் வடமேற்கு ரயில்வேயில் காலியிடங்கள் 21 உள்ளது. இதில் விளையாட்டு வீரர்களுக்கான வேலைக்கு அறிவிப்பு வெளியிடப்பட்டுள்ளது. இதற்கு விண்ணப்பியுங்கள்.
வேலை: Sports Person (Sports quota)
மொத்த காலியிடங்கள்: 21
மாத சம்பளம்: ரூ.5,200 – 20,200
கல்வித்தகுதி: ஏதாவதொரு பாடப்பிரிவில் பட்டம் பெற்றிருக்க வேண்டும் அல்லது பிளஸ் 2 தேர்ச்சியுடன் ஆங்கிலத்தில் நிமிடத்திற்கு 80 வார்த்தைகள் சுருக்கெழுத்தில் எழுதும் திறன் மற்றும் நிமிடத்திற்கு 50 வார்த்தைகள் தட்டச்சு செய்யும் திறன் பெற்றிருக்க வேண்டும். கல்வித்தகுதியுடன் காலியிடம் ஏற்பட்டுள்ள விளையாட்டுப் பிரிவில் தேசிய, மாநில, பல்கலைக்கழக அளவிலான விளையாட்டுப் போட்டிகளில் விளையாடிக் குறைந்தது மூன்றாவது இடமாவது பெற்றிருக்க வேண்டும்.
வயது: 01.01.2020 தேதியின்படி 18 முதல் 25 வயதிற்குள் இருக்க வேண்டும்.
தேர்வு செய்யப்படும் முறை: விண்ணப்பதாரரின் கல்வித்தகுதி, விளையாட்டு தகுதி அடிப்படையில் தகுதியானவர்கள் தேர்வு செய்யப்படுவார்கள்.
கட்டணம்: ரூ.500. எஸ்சி, எஸ்டி, பெண்கள், சிறுபான்மை பிரிவைச் சேர்ந்த விண்ணப்பத்தாரர்கள் ரூ.250 செலுத்த வேண்டும். கட்டணத்தை North Western Railway Soprts Association, Jaipur என்ற முகவரிக்கு வங்கி வரவோலையாகவோ அல்லது ஐபிஓ ஆக எடுத்துச் செலுத்த வேண்டும்.
விண்ணப்பிக்கும் முறை: https://nwr.indianrailways.gov.in அல்லது www.rrcjaipur.in என்ற இணையதளத்தில் கொடுக்கப்பட்டுள்ள விண்ணப்பத்தைப் பதிவிறக்கம் செய்து, பூர்த்திச் செய்து அதனுடன் தேவையான அனைத்துச் சான்றிதழ் நகல்களை இணைத்து விண்ணப்பிக்க வேண்டும்.
பூர்த்திச் செய்யப்பட்ட விண்ணப்பங்களை அனுப்ப வேண்டிய அஞ்சல் முகவரி: Asst.Personnel Officer (Rectt), Railway Recruitment Cell, North Western Railway, Jaipur – 302 006
பூர்த்திச் செய்யப்பட்ட விண்ணப்பங்கள் சென்று சேர கடைசித் தேதி: 23.10.2019