சினிமா
லெஸ்பியனாக மாறிய ஜெய்பீம் பட நடிகை; புதிய பட போஸ்டரை பார்த்து அதிர்ந்த ரசிகர்கள்!
இயக்குநர் ஞானவேல் இயக்கத்தில் சூர்யா நடித்த ஜெய்பீம் திரைப்படத்தில் செங்கேணியாக நடித்து ஒட்டுமொத்த ரசிகர்களையும் கண்கலங்க வைத்த லிஜோமோல் ஜோஸ் ஹாட் லெஸ்பியனாக அடுத்த படத்தில் நடித்து வருவதாக தகவல்கள் வெளியாகி இருந்த நிலையில், அந்த படத்தின் புதிய போஸ்டர் வெளியாகி ரசிகர்களை அதிர்ச்சியில் ஆழ்த்தி உள்ளது.
மலையாள நடிகையான லிஜோமோல் ஜோஸ் சித்தார்த், ஜிவி பிரகாஷ் நடிப்பில் வெளியான சிவப்பு மஞ்சள் பச்சை படத்தில் சித்தார்த்தின் ஜோடியாக நடித்திருப்பார்.
அந்த படத்திலேயே அவரது நடிப்பு அபாராமாக இருந்த நிலையில், அடுத்து சூர்யாவின் ஜெய்பீம் படத்தில் மணிகண்டனுக்கு ஜோடியாக செங்கேணியாக நடித்து தனது ஒட்டுமொத்த நடிப்பு ஆற்றலையும் வெளிப்படுத்தி இருப்பார்.
இந்நிலையில், ஜியோ பேபி தயாரிப்பில் இயக்குநர் ஜெயபிரகாஷ் ராதாகிருஷ்ணன் இயக்கத்தில் உருவாகி வரும் ‘காதல் என்பது பொதுவுடமை’ படத்தில் லெஸ்பியானாக நடித்து அனைவரையும் ஷாக் ஆக்க உள்ளார்.
காதலர் தினத்தை முன்னிட்டு நடிகை ஜோதிகா வெளியிட்டுள்ள இந்த போஸ்டரில் இன்னொரு நடிகையுடன் மூக்கை மூக்கு உரசி கிட்டத்தட்ட லிப் லாக் கொடுக்கும் விதமாக போஸ் கொடுத்துள்ளார் லிஜோமோல் ஜோஸ்.
நம்ம செங்கேணியாக இப்படி லெஸ்பியன் கதாபாத்திரத்தில் நடிக்கப் போகிறார் என ரசிகர்கள் தங்கள் வருத்தத்தை தெரிவித்து வருகின்றனர். அதே சமயம் காதல் என்பது பாலினங்களை கடந்தது என்பதை எடுத்துக் கூறும் அருமையான படத்தில் லிஜோமோல் ஜோஸ் மீண்டும் தனது ஆழமான நடிப்பை வெளிப்படுத்துவார் என அவரது ரசிகர்கள் ஆதரவு தெரிவித்து வருகின்றனர்.