சினிமா செய்திகள்
நேரடியாக நெட்ஃப்ளிக்ஸ் தளத்தில் வெளியாகும் தனுஷ்-ன் ‘ஜெகமே தந்திரம்’..!
நடிகர் தனுஷ் நடிப்பில் உருவாகி உள்ள ஜெகமே தந்திரம் திரைப்படம் நேரடியாக நெட்ஃப்ளிக்ஸ் தளத்தில் வெளியாக உள்ளதாக செய்திகள் வெளியாகி வருகின்றன.
நெட்ஃப்ளிக்ஸ்-ல் நேரடியாக ஜெகமே தந்திரம் வெளியாக உள்ளதாக கொரோனா லாக்டவுனின் போது செய்திகள் வெளியாகின. ஆனால், திரை அரங்கங்களில் தான் ஜெகமே தந்திரம் வெளியாகும் என அப்போது படக்குழுவினர் சார்பில் அதிகாரப்பூர்வ அறிவிப்பு வெளியானது. ஜெகமே தந்திரம் படத்தை YNot ஸ்டுடீயோஸ் தயாரிக்க கார்த்திக் சுப்புராஜ் இயக்கி உள்ளார்.
இந்த முறை மீண்டும் புரளிகள் பரவுகிறது என்று கூற முடியாத வகையில் ஜெகமே தந்திரம் நேரடி நெட்ஃப்ளிக்ஸ் தான் என்பதை படக்குழுவினரின் பல நெருங்கிய வட்டாரங்கள் உறுதி செய்துள்ளன. பிப்ரவரி கடைசி வாரம் அல்லது மார்ச் முதல் வாரம் இந்தப் படம் நிச்சயமாக வெளி வர உள்ளது. ஆனால், திரை அரங்கங்களிலா அல்லது நெட்ஃப்ளிக்ஸ் தளத்திலா என்பதில் உறுதியான தகவல்கள் இல்லை.
இந்தப் படத்தில் நடிகர் தனுஷ் உடன் ஹாலிவுட் சீரிஸ் ‘கேம் ஆஃப் த்ரோன்ஸ்’ புகழ் ஜேமஸ் காஸ்மோ வில்லன் ஆக நடித்துள்ளார். இவர்களுடன் ஐஸ்வர்ய லட்சுமி நாயகி ஆக நடித்துள்ளார்.