வருமான வரி தாக்கலில் இருந்து இவர்களுக்கு மட்டும் விலக்கு! எப்படி?

வருமான வரி தாக்கல் செய்வதில் இருந்து மூத்த குடிமக்களுக்கு விலக்கு அளிக்கப்பட்டுள்ளது. ஆனால், சில நிபந்தனைகள் பொருந்தும். அவற்றை பார்ப்போம்:

வயது: இந்த விலக்கு 75 வயது அல்லது அதற்கு மேற்பட்ட மூத்த குடிமக்களுக்கு மட்டுமே பொருந்தும் (2023-24 நிதியாண்டில் – 31 மார்ச் 2024 வரை).

வருமானம்: ஓய்வூதியக் கணக்கில் “நியமிக்கப்பட்ட வங்கி” ஒன்றில் இருந்து பெறும் ஓய்வூதிய வருமானம் மட்டுமே இருக்க வேண்டும்.

வட்டி வருமானம்: அதே “நியமிக்கப்பட்ட வங்கி”யில் உள்ள வேறு எந்த கணக்கிலிருந்தும் வரும் வட்டி வருமானம் தவிர வேறு எந்த வருமானமும் இருக்க கூடாது.

குறிப்பு: “நியமிக்கப்பட்ட வங்கி” என்பது அரசாங்கத்தால் அங்கீகரிக்கப்பட்ட வங்கிகளைக் குறிக்கும்.

வருமான வரி தாக்கல் செய்ய வேண்டியதில்லை என்றாலும், வரி செலுத்துவதில் இருந்து விலக்கு அளிக்கப்படவில்லை.

மேற்கூறிய நிபந்தனைகளை பூர்த்தி செய்யும் மூத்த குடிமக்கள் ITR தாக்கல் செய்ய வேண்டியதில்லை. இருப்பினும், வரி செலுத்த வேண்டியிருந்தால், வங்கி வரி பிடித்தம் செய்யும்.

வங்கிக்கு தகவல் தெரிவிப்பது:

வரி பிடித்தம் தவிர்க்க, மூத்த குடிமக்கள் படிவம் 12BBA ஐ பயன்படுத்தி தங்கள் வங்கிக்கு ஒரு அறிவிப்பை சமர்ப்பிக்க வேண்டும்.