சினிமா செய்திகள்
’பீஸ்ட்’ டைட்டில் மாறுகிறது: காரணம் திமுக அரசா?
தளபதி விஜய்யின் ’பீஸ்ட்’ படத்தின் டைட்டில் மாற இருப்பதாகவும் இதற்கு திமுக ஆட்சிதான் காரணம் என்றும் கூறப்பட்டு வருவதால் பெரும் பரபரப்பு ஏற்பட்டுள்ளது
தளபதி விஜய் நடிப்பில், இயக்குனர் நெல்சன் இயக்கத்தில், சன் பிக்சர்ஸ் நிறுவனத்தின் பிரமாண்டமான தயாரிப்பில் உருவாகி வருகிறது ’பீஸ்ட்’ படம். இந்த படத்தின் இரண்டு கட்ட படப்பிடிப்புகள் முடிவடைந்து தற்போது மூன்றாம் கட்ட படப்பிடிப்பு நடைபெற்று வருகிறது என்பதும் அடுத்த கட்ட படப்பிடிப்பிற்காக ’பீஸ்ட்’ குழுவினர் ரஷ்யா செல்ல உள்ளதாகவும் கூறப்படுகிறது
இந்த நிலையில் கடந்த மூன்று மாதங்களாக திமுக ஆட்சி நடைபெற்று வரும் நிலையில் பல்வேறு அதிரடி அறிவிப்புகள் வெளியாகி வருகின்றன என்பது தெரிந்ததே. அந்த வகையில் விரைவில் தமிழில் டைட்டில் வைக்கும் திரைப்படங்களுக்கு வரி விலக்கு என்ற அறிவிப்பு மீண்டும் வெளிவர உள்ளதாக தெரிகிறது
ஏற்கனவே முன்னாள் முதல்வர் கருணாநிதி அவர்களின் ஆட்சியின் போது தமிழில் டைட்டில் வைக்கும் படங்களுக்கு வரிவிலக்கு கொடுக்கப்பட்டு வந்தன என்பது குறிப்பிடத்தக்கது. எனவே மீண்டும் தமிழில் டைட்டில் வைக்க்கும் படங்களுக்கு வரிவிலக்கு அளிக்கப்படும் என்று கூறப்பட்டு வருகிறது.
இதனையடுத்து விஜய்யின் ’பீஸ்ட்’ உள்பட பல திரைப்படங்களில் டைட்டில்கள் தமிழில் மாற்ற இருப்பதாக கூறப்படுவதால் பெரும் பரபரப்பு ஏற்பட்டுள்ளது.