சினிமா
கமல்ஹாசனின் “தேவர் மகன் 2“ படத்தின் இரண்டாம் பாகம் தயாராகிறதா?
2018ம் ஆண்டு இரண்டாம் பாகம் நகர்ந்து கொண்டிருக்கிறது. சில படங்கள் இரண்டாம் பாகப்படங்கள் வெளிவந்துவிட்டன. பல இரண்டாம் பாகப் படங்கள் உருவாகி வருகின்றன.
இதையடுத்து கமல் “தேவர் மகன் 2“ படத்தில் நடிக்கலாம் என்ற தகவல் கோலிவுட்டில் மிகவும் வேகமாகப் பரவி வருகிறது. இதையடுத்து கதையை எழுத ஆரம்பித்துவிட்டார் கமல் என்றும் சொல்கிறார்கள்.
1992ம் ஆண்டில் திரைக்கு வந்து வெற்றிகரமாக ஓடியது. மலையாள இயக்குநர் பரதன் இயக்கத்தில், இளையராஜா இசையமைப்பில், கமல்ஹாசன், சிவாஜிகணேசன், ரேவதி, கவுதமி, நாசர், வடிவேலு மற்றும் நடித்த இந்தப் படம் தமிழ் சினிமாவின் “கிளாசிக்“ படங்களில் ஒன்றாகப் பார்க்கப்படுகிறது.
இந்தப் படத்துக்கு தேசிய விருதும் கிடைத்தது. இந்தி, கன்னட மொழிகளிலும் ரீமேக் செய்யப்பட்டன. கமல்ஹாசன் தற்போது டெலிவிஷனில் பிக்பாஸ் நிகழ்ச்சியைத் தொகுத்து வழங்குகிறார். இரண்டு வாரத்தில் இது முடிய இருக்கிறது.
அதன்பிறகு ஷங்கர் இயக்கத்தில் இந்தியன்–2 படத்தில் நடிக்கிறார். இதன் முதல் கட்ட படப்பிடிப்பு வெளிநாடுகளில் நடக்க உள்ளது. இந்தப் படத்தோடு தேவர் மகன்–2 படப்பிடிப்பையும் தொடங்குவார் என்றும் தேர்தலுக்கு முன்பு இரண்டு படங்களையும் திரைக்குக் கொண்டு வருவார் என்றும் பேசப்படுகிறது.