சினிமா செய்திகள்
தளபதி 64 ஜோடி இவர்தானா?
![Kiara Advani to play the female lead in Vijay's next - Bhoomitoday](https://www.bhoomitoday.com/wp-content/uploads/2019/08/bollywood-actress-kiara-advani-play-female-lead-vijays-next.jpg)
பிகில் படத்தின் டப்பிங் பணிகளை நடிகர் விஜய் துவங்கியுள்ளார். இந்நிலையில், தளபதி 64 படத்துக்கான அப்டேட்ஸ்கள் தினமும் வரத்துவங்கி விட்டன.
மாநகரம் படத்தை இயக்கிய லோகேஷ் கனகராஜ், தற்போது கார்த்தியை வைத்து கைதி படத்தை இயக்கி வருகிறார். இவர் அடுத்ததாக விஜய்யின் 64வது படத்தை இயக்க ஒப்பந்தமாகி உள்ளார்.
கைதி படத்தில் கார்த்திக்கு ஜோடி இல்லை என்பது குறிப்பிடத்தக்கது. அதனால், அடுத்ததாக விஜய்யை வைத்து இவர் இயக்கும் படத்தில் ஜோடி இருக்குமா இருக்காதா என்ற விவாதமே ரசிகர்கள் மத்தியில் எழுந்தது. இந்நிலையில், தளபதி 64 படத்தில் நடிக்க நடிகை ராஷ்மிக மந்தனாவை தேர்வு செய்வார்கள் என எதிர்பார்க்கப்பட்டது.
இந்நிலையில், பாலிவுட் நடிகை கியாரா அத்வானியை விஜய்க்கு ஜோடியாக்கும் முயற்சியில் படக்குழு பேச்சுவார்த்தைகளை தொடங்கியுள்ளதாக நெருங்கிய வட்டாரங்கள் தகவல் தெரிவித்துள்ளன.
தோனியின் பயோபிக் படத்தின் மூலம் நாயகியான இவர், லஸ்ட் ஸ்டோரிஸ் மூலம் உலகப் புகழ் பெற்றார். தெலுங்கில் மகேஷ் பாபுவுக்கு ஜோடியாக நடித்துள்ள இவர், தமிழில் விஜய்க்கு ஜோடியாக நடிப்பாரா என்ற எதிர்பார்ப்பு எகிறியுள்ளது.
இந்தி காஞ்சனாவான லக்ஷ்மி பாம் படத்திலும் இவர் தான் நாயகி என்பது குறிப்பிடத்தக்கது.