ஆரோக்கியம்
முட்டையை மஞ்சள் கருவுடன் சாப்பிட்டால் கொழுப்பு அதிகரிக்குமா? – இந்த உண்மை ஷாக் கொடுக்கலாம்
முட்டை பொதுவாக உடல் ஆரோக்கியத்துக்கு மிகவும் நல்லது என்றும், ஒரு நாளைக்கு ஒரு முட்டையாவது சாப்பிட வேண்டும் என்றும் பலரும் சொல்லக் கேட்டிருபோபம். அதே நேரத்தில் முட்டையின் வெள்ளைப் பகுதியை நிறைய சாப்பிடலாம் என்றும், மஞ்சள் கருவில் அதிகம் கொலஸ்டிரால் இருப்பதாகவும் கேள்விப்பட்டு இருப்போம். அதில் எந்த அளவுக்கு உண்மை இருக்கிறது?
இது குறித்து பிரபல ஊட்டச்சத்து நிபுணர் முன்முன் கனேரிவால் கூறியதாவது:
முட்டையை முழுவதுமாக சாப்பிடுவது மிகவும் நல்லது. அதில் நிறைய ஆரோக்கியம் உள்ளது. மஞ்சள் கருவில் அதிக கொலஸ்டிரால் இருப்பதாக நாம் நினைக்கிறோம். ஆனால், அதில் உடலுக்கு நன்மை பயக்கும் ஃபாஸ்பர் லிபிட்கள் உள்ளன. இது ஒரு நல்ல கொழுப்பு ஆகும். இதன் மூலம் உடலில் நேர்மறையான மாற்றங்கள் ஏற்படும். இந்தக் கொழுப்பு உடலுக்கு அவசியமாகும்.
முட்டையில் பிற ஊட்டச்சத்துகளும் நிரம்ப இருக்கின்றன. புரதம், பி வைட்டமின்கள், இறும்புச் சத்து, வைட்டமின் ஏ உள்ளிட்ட அத்தியாவசிய ஊட்டச் சத்துகள் அதிகம் முட்டையில் உள்ளது. ஒரு நாளைக்கு 1 அல்லது 2 முட்டைகளை தினமும் சாப்பிட்டு வரலாம். இவ்வாறு அவர் தெரிவித்துள்ளார்.
