’வருமான வரி’ இன்னும் தாக்கல் செய்யவில்லையா? கவலை வேண்டாம்? விவரம் உள்ளே!

மத்திய அரசு 2018-2019-ம் நிதியாண்டுக்கான வருமான வரியை தாக்கல் செய்வதற்கான காலக்கெடுவை ஜூலை 31-ம் தேதியிலிருந்து செப்டம்பர் 30-ம் தேதி வரை நீட்டித்து அறிவித்துள்ளது. இது 2018-2019 நிதியாண்டுக்கான வரியை தாக்கல் செய்ய வேண்டியவர்களுக்கான மூன்றாவது முறை நீட்டிக்கப்படும் காலக்கெடுவாகும். பொதுவாக ஒரு நிதியாண்டுக்கான வருமான வரியை அடுத்த நிதியாண்டு முடியும் முன்பு செலுத்த வேண்டும்.

மேலும் வருமான வரி செலுத்துவது குறித்து வெளியாகியுள்ள 4 முக்கிய அறிவிப்புகளை இங்கு விளக்கமாகப் பார்க்கலாம்.

திருத்தப்பட்ட வருமான வரி தாக்கல்

2018-2019 நிதியாண்டுக்கான திருத்தப்பட்ட வருமான வரியை தாக்கல் செய்ய செப்டம்பர் 30 வரை காலக்கெடு நீட்டிக்கப்பட்டுள்ளது.

படிவம் 16

2019-2020 நிதியாண்டுக்கான படிவம் 16-ஐ ஊழியர்களுக்கு வழங்குவதற்கான காலக்கெடு ஆகஸ்ட் 15 வரை நீட்டிக்கப்பட்டுள்ளது. ஒருவேலை முன்கூட்டியே வருமான வரி செலுத்த விரும்புபவர்கள் படிவம் 26AS-ஐ பதிவிறக்கம் செய்து வருமான வரியை தாக்கல் செய்யலாம்.

2019-2020 நிதியாண்டுக்கான வருமான வரி

2019-2020 நிதியாண்டுக்கான வருமான வருமான வரியை தாக்கல் செய்வதற்கான காலக்கெடு நவம்பர் 30 வரை நீட்டிக்கப்பட்டுள்ளது.

ஆதார் – பான் இணைப்பு

ஆதார் – பாண் கார்டு எண் இணைப்பதற்கான காலக்கெடு 2021-ம் ஆண்டு மார்ச் 31-ம் தேதி வரை நீட்டிக்கப்பட்டுள்ளது.