தமிழ்நாடு
தொடர்ந்து குறையும் தங்கம் விலை: இன்றைய விலை எவ்வளவு?
![gold 5 - Bhoomitoday](https://www.bhoomitoday.com/wp-content/uploads/2021/03/gold-5.jpg)
தங்கத்தின் விலை கடந்த சில மாதங்களுக்கு முன் உச்சத்தில் இருந்தாலும் சர்வதேச நாடுகளில் ஏற்பட்ட பொருளாதார மாறுபட்ட சூழல் காரணமாக கடந்த சில நாட்களாக தங்கம் விலை வீழ்ச்சி அடைந்து வருகிறது.
இந்த நிலையில் கடந்த சில வாரங்களாகவே சென்னையில் ஆபரண தங்கத்தின் விலை இறங்கிக்கொண்டே இருப்பதால் தங்கம் வாங்கும் பொதுமக்கள் மகிழ்ச்சி அடைந்துள்ளனர் என்பதும், தங்கத்தில் முதலீடு செய்தவர்கள் கவலை அடைந்துள்ளனர் என்பதும் குறிப்பிடத்தக்கது.
இந்த நிலையில் நேற்று தங்கம் சவரனுக்கு ரூபாய் 328 குறைந்த நிலையில் இன்றும் ரூ.224 குறைந்துள்ளது. சென்னையில் இன்று 22 காரட் ஆபரணத் தங்கத்தின் விலை கிராம் ஒன்றுக்கு ரூ.28 குறைந்து ரூ.4,174-க்கு விற்பனையாகி வருகிறது. எனவே சவரனுக்கு ரூபாய் 224 குறைந்து ஒரு சவரன் ஆபரணத்தங்கத்தின் விலை ரூ.33,392 என விற்பனையாகிறது.
அதேபோல் சென்னையில் வெள்ளியின் விலை ரூபாய் கிராம் ஒன்றுக்கு ரூ.67.30 என விற்பனையாகி வருகிறது என்பதும் ஒரு கிலோ வெள்ளி 68 ஆயிரத்து 300 ரூபாய்க்கு விற்பனையாகி வருகிறது என்பது குறிப்பிடத்தக்கது.