வணிகம்
2020-ம் ஆண்டு இந்தியர்களின் தனிநபர் மொத்த உள்நாட்டு உற்பத்தி சரிவு.. ஐஎம்எப் ஷாக் ரிப்போர்ட்!
2020-ம் ஆண்டு இந்தியர்களின் தனிநபர் உள்நாட்டு உற்பத்தி, வங்கதேசத்தை விடக் குறைவாகச் சரியும் என்று சர்வதேச நிதியம் தெரிவித்துள்ளது.
வங்க தேசத்தின் தனிநபர் மொத்த உள்நாட்டு உற்பத்தி, 2020-ம் ஆண்டு 4 சதவீதம் அதிகரித்து 1,888 அமெரிக்க டாலர்களாக இருக்கும்.
அதே நேரம் இந்தியாவின் தனிநபர் மொத்த உள்நாட்டு உற்பத்தி 10.5 சதவீதம் சரிந்து 1,877 டாலர்களாக இருக்கும் என்று சர்வதேச நிதியம் கூறியுள்ளது.
2014-ம் ஆண்டு இந்தியர்களின் தனிநபர் மொத்த உள்நாட்டு உற்பத்தி, வங்க தேசத்தை விட 44 சதவீதம் அதிகரித்து இருந்தது. 2020-ம் ஆண்டு இது சரிந்து இருந்தாலும் அடுத்த ஆண்டு 8.8 சதவீதம் வரை இந்தியாவின் உள்நாட்டு மொத்த உற்பத்தி வளர்ச்சி அடையும். சீனாவின் மொத்த தனிநபர் உற்பத்தி வளர்ச்சி 8.2 சதவீதமாக இருக்கும் என்றும் தெரிவிக்கப்பட்டுள்ளது.
