பிரசாந்த் ஸ்டுடியோவுக்கு இளையராஜா கொடுத்த சாபம்…

கோடம்பாக்கத்தில் அமைக்கப்பட்டிருக்கும் இளையராஜாவின் புதிய ஸ்டுடியோவில் இயக்குநர் வெற்றிமாறனின் புதிய படத்தின் இசையமைப்பு பணிகளை தொடங்கினார் இளையராஜா.

அதன் பின் பேசிய இளையராஜா பிரசாத் ஸ்டூடியோவில் இருந்து வந்ததற்கு வருத்தம் இல்லை. எல்லாம் சவால்தான், எவ்வளவோ இடைஞ்சல்கள் வரும், வந்தன. அவற்றை எல்லாம் எதிர்கொண்டு தான் இந்த நிலைக்கு வந்துள்ளேன். இனியும் எனது பயணம் இனிதே தொடங்கும் என தீர்க்கமாக பேசினார்.

தமிழ், கன்னடம், தெலுங்கு மலையாளம் மற்றும் அவ்வப்போது இந்திப்படங்களும் என சென்னையில் பல மொழிப் படங்கள் தயாராகி வெளியே சென்றன.இங்கிருந்த ஸ்டுடியோ வேறெங்குமில்லாமல் இருந்து.

ஆனால், தற்போது ஜெமினி ,நெப்டியூன், விஜயா கார்டன் என பல ஸ்டூடியோக்கள் காணாமல் போனதன் வரிசையில் பிரசாத் ஸ்டுடியோவும் காணமல் போகவேண்டுமென்று நான் அங்கிருந்து வந்துவிட்டேன்.

என்னுடைய சொந்த சம்பாத்தியத்தில் தற்போது ஒரு ஸ்டூடியோ வாங்கி துவங்கியுள்ளேன். இன்றைக்குள்ள அட்வான்ஸ்டு சிஸ்டம்கள் எல்லாம் இங்குள்ளன. வாழ்கையில் எவ்வளவோ கடந்துள்ளோம் அது போல தான்.. எல்லாம் சவால் தான் முன்னேறுபவனை தடுக்க இடையூறுகள் வரும்  நாம் அதையெல்லாம் கடந்து செல்ல வேண்டும்.

சென்றுக்கொண்டிருக்கும் போது மழை வருகிறது, காகம் எச்சில் செய்கிறது. அதையெல்லாம் கடப்பது போல தான் எல்லாவற்றையும் இதையும் கடந்து செல்ல வேண்டும்.

40 ஆண்டுகளுக்கும் மேலாக சாலிகிராமத்தில் உள்ள பிரசாத் ஸ்டுடியோவில் இளையராஜா இசையமைத்து வந்தார். ஆனால் அந்த இடத்தை வேறு ஒருவருக்கு விற்க இருப்பதாக பிரசாத் ஸ்டுடியோ நிர்வாகம் இளையராஜாவை காலி செய்யச் சொன்னது. இதனை எதிர்த்து இளையராஜா நீதிமன்றம் வரை சென்றார். ஆனால் இறுதிவரை இளையராஜாவை ஸ்டுடியோவிருக்குள் அனுமதிக்காமல் அவரை காலி செய்ய வைத்தது பிரசாத் ஸ்டுடியோ நிர்வாகம்.

இந்நிலையில் கோடம்பாக்கத்தில் புதிதாக ஒரு இடத்தை வாங்கி ஸ்டூடியோ கட்டமைக்கும் பணிகளை இளையராஜா தொடங்கினார். அந்த பணிகள் முடிவடைந்து இன்று ஸ்டுடியோ திறக்கப்பட்டு தன்னுடைய படத்தின் பணிகளை இளையராஜா தொடங்கினார்.

வெற்றிமாறன் இயக்கத்தில் சூரி விஜய் சேதுபதி நடிக்கும் படத்தின் பணிகளுக்காக இளையராஜா இசை அமைக்கும் பணிகளை புதிய ஸ்டூடியோவில் தொடங்கி இருக்கிறார். இளையராஜா விஜய் சேதுபதி வெற்றி மாறன் சூரி உள்ளிட்டோர் ஸ்டுடியோவிற்கு நேரில் வருகை தந்து இசை அமைக்கும் பணிகளில் பங்கேற்றனர்.