வணிகம்
ரூ.1000 கோடி முதலீட்டில் பெங்களூருவில் ஐகியாவின் 3 வது கடை..!
பெங்களூரு: ஸ்வீடிஷ் ஃபர்னிச்சர் நிறுவனமான ஐகியா 1000 கோடி ரூபாய் முதலீட்டில் பெங்களூருவில் தங்களது மூன்றாவது கிளையினைத் தொடங்க உள்ளனர். ஏற்கனவே ஐகியா நிறுவனம் ஆகஸ்ட் மாதம் ஹைதராபாத்தில் தங்களது முதல் கிளையினை ஐகியா தொடங்கியுள்ள நிலையில் மும்பையில் 2வது கடையினைத் தொடங்க உள்ளது.
பெங்களூருவில் 5,00,000 சதுர அடியில் 2020-ம் ஆண்டுத் தொடங்க உள்ள ஐகியாவின் மூன்றாவது கடைக்கான பூமி பூஜையினை வியாழக்கிழமை செய்துள்ளனர்.
மேலும் இங்கு 800 முதல் 1000 நபர்களுக்கு நேரடியாகவும் மறைமுகமாக 1,500 நபர்களுக்கு வேலை வாய்ப்பு கிடைக்கும் என்றும் செய்தி சுருள் தளத்திற்குக் கிடைத்த தகவல்கள் கூறுகின்றன.