சினிமா செய்திகள்
எனக்கு இது வரை ஒரு ஹாலிவுட் பட வாய்ப்பு கூட வந்ததில்லை: ஷாருக் கான்
பாலிவுட் பாட்ஷா என அழைக்கப்படும் ஷாருக் கான் ஆனந்த் எல் ராய் இயக்கத்தில் ஜீரோ என்ற திரைப்படத்தில் நடித்து வருகிறார். இந்தத் திரைப்படத்தில் இவருடன் கேட்ரினா கைப் மற்றும் அனுஷ்கா ஷர்மா ஆகியோர் முக்கியக் கதாப்பாத்திரத்திலும் நடித்து வருகிறனர்.
அன்மையில் பேட்டி ஒன்றில் ஷாருக் கான் இவரது சக நடிகர்களான பிரியங்கா சோப்ரா, இர்ஃபான் கான், அனுபம் கெர், அமிதாப் பச்சன் மற்றும் ஓம் பூரி உள்ளிட்டோர் ஹாலிவுட் படங்களில் நடித்துள்ள நிலையில் இது வரை தனக்கு ஒரு முறை கூட அப்படி ஒரு வாய்ப்பு வந்ததில்லை என்றும் அதற்குத் தனக்குச் சரியாக ஆங்கிலம் தெரியாது காரணமாக இருக்கலாம் என்றும் கூறினார்.
தான் இந்தி திரைப்படத்தில் நடிக்கவே விரும்புவதாகவும், சர்வதேச அளவில் மிகப் பெரிய சந்தையினைச் சென்றடைய வேண்டும் என்று உழைத்து வருவதாகவும் ஷாருக் கான் குறிப்பிட்டுள்ளார்.