செய்திகள்
மோடி மீது வெறுப்பில்லை, அவரது கருத்துடன் உடன்பாடில்லை – ராகுல்!
![Rahul 7 - Bhoomitoday](https://www.bhoomitoday.com/wp-content/uploads/2023/04/Rahul-7-2.jpg)
வாஷிங்டன்: பிரதமர் மோடி மீது நான் வெறுப்புணர்வை கொண்டிருப்பதில்லை, ஆனால் அவரது கருத்துகளுடன் எனக்கு ஒத்துப்போகாது என லோக்சபா எதிர்க்கட்சி தலைவர் ராகுல் காந்தி தெரிவித்தார். அமெரிக்காவில் நடைபெற்ற ஒரு நிகழ்ச்சியில் அவர் இந்த கருத்துகளைப் பகிர்ந்தார்.
கடந்த 8-ஆம் தேதி முதல் அமெரிக்கா பயணமாக சென்ற ராகுல், டெக்ஸாஸ் மாநிலத்தில் ஜார்ஜ் டவுன் பல்கலைக்கழகத்தில் நடந்த ஒரு சிறப்பு நிகழ்ச்சியில் பங்கேற்றார். இந்த உரையாடலின் வீடியோ காங்கிரஸ் கட்சியின் அதிகாரப்பூர்வ ‛எக்ஸ்’ (முன்னாள் ட்விட்டர்) தளத்தில் பகிரப்பட்டுள்ளது.
அதில், “நீங்கள் பிரதமர் மோடியை வெறுப்பதாகச் சொல்கிறீர்களா?” என்ற கேள்விக்கு ராகுல் பதிலளிக்கையில், “நான் அவரை வெறுக்கவில்லை. அவருக்கென ஒரு தனிப்பட்ட கண்ணோட்டம் உள்ளது. ஆனால், எனது கண்ணோட்டம் வேறுபட்டதாகும். அவரது கருத்துகளுடன் எனக்கு உடன்பாடில்லை,” என பதிலளித்தார்.
இது தொடர்பாக பா.ஜ., கடுமையாக கண்டனம் தெரிவித்துள்ளது.