தமிழ்நாடு
நமது வாக்கை எந்த வாக்குச்சாவடியில் செலுத்துவது: கண்டுபிடிக்க ஒரு எளிமையான வழி!
நாளை தமிழகத்தில் உள்ளாட்சித் தேர்தல் நடைபெற உள்ளதை அடுத்து அனைத்து வாக்காளர்களும் தங்களது வாக்கை பதிவு செய்ய ஆர்வத்துடன் உள்ளனர். தங்களது தெரு கவுன்சிலர் யார்? மேயர் யார்? நகராட்சி மன்றம் நகர்மன்ற தலைவர் யார்? என்பதை தேர்ந்தெடுக்கும் பொறுப்பு நாளை வாக்காளர்களுக்கு உள்ளது .
இந்த நிலையில் புதிதாக வாக்களிப்பவர்கள் மற்றும் புதிய இடத்திற்கு வந்தவர்கள் தாங்கள் எங்கே வாக்களிக்கவேண்டும்?? தங்களது வார்டு எண் என்ன? தங்களது வாக்காளர் பட்டியலின் வரிசை எண் என்ன? வாக்காளர் பட்டியலின் பாகம் என்ன? என்பது குறித்து தெரிந்து கொள்ள என தேர்தல் ஆணையம் அறிவிப்பு ஒன்றை வெளியிட்டுள்ளது .
இதன்படி https://tnsec.tn.nic.in என்ற இணையதளத்தில் சென்று நமது வாக்காளர் அடையாள எண்ணை பதிவு செய்தால் நீங்கள் எங்கே வாக்களிக்கவேண்டும்? உங்களது வார்டு எண் என்ன? என்பது உள்பட அனைத்து விபரங்களும் அதில் கிடைக்கும். அதனை வைத்து நமது வாக்கை எந்தவித பிரச்சனையும் இல்லாமல் பதிவு செய்து கொள்ளலாம் என்பது குறிப்பிடத்தக்கது.
