தமிழ்நாடு
தினகரன் பெயர் டேமேஜ் ஆக தங்க தமிழ்செல்வன் ஆடியோவை வெளியிட்டது யார் தெரியுமா?
அமமுக பொதுச்செயலாளர் டிடிவி தினகரனை தங்க தமிழ்செல்வன் அசிங்கமாக பேசும் ஆடியோ ஒன்று வெளியாகி அரசியல் வட்டாரத்தில் பெரும் பரபரப்பை ஏற்படுத்தியது. இந்த ஆடியோவை யார் பரப்பி விட்டது என்ற தகவல் தற்போது வெளியாகி உள்ளது.
தங்க தமிழ்செல்வன் தினகரனின் உதவியாளரிடம் இப்படி தினகரனை பற்றி பேசிவிட்டு வந்த பின்னர் அவரை ஏற்கனவே நீக்கப்பட்ட தேனி கர்ணன் சென்று பார்த்திருக்கிறார். இவர் தற்போது திவாகரனின் அண்ணா திராவிடர் கழகத்தில் இருக்கிறார். இவரிடம் தங்க தமிழ்செல்வன் தினகரனின் உதவியாளரிடம் பேசிய ரெக்கார்டை போட்டு காட்டியிருக்கிறார்.
உடனே கர்ணன், இதை உடனே மீடியாவுக்கு அனுப்பிவிட்ருவோம். தினகரன் பெயர் டேமேஜ் ஆகட்டும் என கூறியுள்ளார். அதற்கு தங்க தமிழ்செல்வன் மறுக்க, தேனி கர்ணன், நீங்க மீடியாவுக்கு அனுப்ப வேண்டாம், எனக்கு வாட்ஸ் அப் பண்ணுங்க, நான் பாத்துக்குறேன் என்று சொல்லி தங்கத்தின் போனில் இருந்து தனக்கு அனுப்ப வைத்து, அதை நேற்று மாலை உடனடியாக ஊடக நண்பர்களுக்கு அனுப்பி சமூக தளங்களிலும் பரப்பிவிட்டார். கர்ணன் செய்த சூழ்ச்சியால் அந்த ஆடியோ சமூக வலைதளங்களில் சர்ச்சையைக் கிளப்பியது.