தமிழ்நாடு
கமல்ஹாசன் உடல்நிலை குறித்து மருத்துவமனையின் அறிக்கை
உலகநாயகன் நடிகரும் மக்கள் நீதி மய்யம் கட்சியின் தலைவருமான கமல்ஹாசன் இன்று கொரோனா வைரஸ் பாதிப்பு காரணமாக சென்னையில் உள்ள தனியார் மருத்துவமனையில் அனுமதிக்கப்பட்டார் என்ற செய்தியை ஏற்கனவே பார்த்தோம்.
இந்த நிலையில் மருத்துவ குழுவினர் கமல்ஹாசனுக்கு சிகிச்சை அளித்து வருகின்றனர் என்பதும் அவரது உடல்நிலை தேறி வருவதாகவும் மருத்துவமனை வட்டாரங்களில் இருந்து செய்தி கசிந்தது.
இந்த நிலையில் மருத்துவமனை நிர்வாகம் அதிகாரபூர்வமாக கமல்ஹாசனின் உடல்நிலை குறித்து சற்று முன் அறிக்கை ஒன்றை வெளியிட்டுள்ளது. அதில் கமல்ஹாசனுக்கு சுவாசக்குறைவு, காய்ச்சல் மற்றும் தொற்று நோய் இருப்பதாகவும், கொரோனா வைரஸ் பாசிட்டிவ் உறுதி செய்யப்பட்டுள்ளதாகவும் கூறப்பட்டுள்ளது.
மேலும் அவருக்கு மருத்துவ குழுவினர் தீவிர சிகிச்சை அளித்து வருகின்றனர் என்பதும் அவரது உடல்நிலை தற்போது சீராக இருப்பதாகவும் அவர் நலமுடன் இருப்பதாகவும் அந்த அறிக்கையில் குறிப்பிடப்பட்டுள்ளது. இந்த அறிக்கைக்கு பின்னரே கமல்ஹாசன் ரசிகர்கள் மற்றும் மக்கள் நீதி மய்யம் கட்சி தொண்டர்கள் நிம்மதி அடைந்துள்ளனர் என்பது குறிப்பிடத்தக்கது.
மேலும் அவர் விரைவில் குணமாக வேண்டும் என்று வாழ்த்து பலர் வாழ்த்து தெரிவித்து வருகின்றனர். தமிழக முதல்வர் முக ஸ்டாலின் தனது டுவிட்டர் பக்கத்தில் கூறியதாவது: அன்பு நண்பர் கலைஞானி கமல்ஹாசன் அவர்கள் கொரோனா தொற்றிலிருந்து விரைந்து மீண்டு, தனது பணிகளைத் தொடர விழைகிறேன்.
