டிசம்பரில் வருகிறான் ஹீரோ!

சிவகார்த்திகேயன் நடிப்பில் இந்த ஆண்டு வெளியான மிஸ்டர் லோக்கல் திரைப்படம் படு தோல்வியை தழுவியது. இந்நிலையில், இந்த ஆண்டு இறுதியிலே தான் விட்ட மார்க்கெட்டை பிடிக்க திட்டம் தீட்டியுள்ளார் சிவகார்த்திகேயன்.

இரும்புத்திரை எனும் பிளாக்பஸ்டர் ஹிட்டை கொடுத்த பி.எஸ். மித்ரன் இயக்கத்தில் சிவகார்த்திகேயன் நடித்து வரும் ஹீரோ படம் இந்த ஆண்டு இறுதியில் டிசம்பர் மாதம் 20ம் தேதி வெளியாகும் என்ற அதிகாரப்பூர்வ அறிவிப்பு வெளியிடப்பட்டுள்ளது.

இந்த படத்தில் சிவகார்த்திகேயனுக்கு ஜோடியாக கல்யாணி பிரியதர்ஷன் மற்றும் இவானா நடித்து வருகின்றனர்.

விக்ரம் வேதா படத்தில் முக்கிய வேடத்தில் நடித்த பிரேம் குமார் மற்றும் ரோபோ சங்கர் இந்த படத்தில் நடித்துள்ளனர்.

24 ஏம் ஸ்டூடியோஸ் ராஜா மற்றும் கே.ஜே.ஆர் ஸ்டூடியோஸ் இணைந்து இந்த படத்தை தயாரித்து வருகின்றனர்.

அரசியல் மற்றும் ஆக்‌ஷன் த்ரில்லராக உருவாகி உள்ள இந்த படத்தில் இரும்புத் திரையில் மாஸ் காட்டிய அர்ஜுனே சிவகார்த்திகேயனுக்கு எதிராக நடித்துள்ளார்.