சினிமா செய்திகள்
ஹேப்பி பர்த்டே த்ரிஷா! சமூக வலைதளத்தில் குவிகிறது வாழ்த்து!
கடந்த ஆண்டு இறுதியில் ஜானுவாக நடித்து மீண்டும் தனது சிம்மாசனத்தை பிடித்துள்ளார் நடிகை த்ரிஷா. இன்று 36வது பிறந்த நாளை கொண்டாடும் நடிகை த்ரிஷாவுக்கு சமூக வலைதளங்களில் அவரது ரசிகர்கள் மற்றும் பிரபலங்கள் வாழ்த்தி வருகின்றனர்.
ட்விட்டர் டிரெண்டிங்கில் இந்திய அளவில் ஹேப்பி பர்த்டே த்ரிஷா ஹேஷ்டேக் டிரெண்டானது.
ஜோடி படத்தில் சிம்ரனின் தோழியாக அறிமுகமான த்ரிஷா, சிம்ரன், ஜோதிகா, நயன்தாரா என மூன்று கால கட்ட முன்னணி நடிகைகளுடனும் இன்றளவும் போட்டி போட்டு நடித்து வருகிறார்.
பொங்கலுக்கு வெளியான ரஜினியின் பேட்ட படத்தில் நடித்த த்ரிஷா, தனது வாழ்நாள் கனவை பூர்த்தி செய்து கொண்டார்.
விரைவில் ராங்கியாக களமிறங்கவுள்ள த்ரிஷாவுக்கு வெற்றிகள் குவிய வாழ்த்துகள்!