சினிமா செய்திகள்
சூரிக்கு நாயகி ஆகிறாரா ஜி.வி.பிரகாஷ் தங்கை..?- வெற்றிமாறன் பட அப்டேட்
இயக்குநர் வெற்றிமாறன் இயக்கத்தில் சூரி கதை நாயகனாக நடிக்கும் படத்தில் இசை அமைப்பாளர் ஜி.வி.பிரகாஷ் தங்கை ஒப்பந்தம் ஆகியுள்ளார்.
இசை அமைப்பாளர் ஜி.வி.பிரகாஷின் தங்கை ஜி.வி.பவானி ஶ்ரீ நடிகையாக விஜய் சேதுபதியின் க/பெ. ரணசிங்கம் மூலம் தமிழ் திரை உலகில் அறிமுகம் ஆனார். அந்தப் படத்தில் விஜய் சேதுபதியின் தங்கையாக பவானி நடித்திருப்பார். சிறிய கதாபாத்திரம் என்றாலும் பவானி ஶ்ரீ தனக்கென ஒரு ரசிகர் பட்டாளத்தை ஏற்கெனவே பிடித்துவிட்டார்.
தற்போது இவர் வெற்றிமாறன் இயக்கத்தில் சூரி நாயகனாக நடிக்கும் படத்தில் நடிக்க ஒப்பந்தம் ஆகியுள்ளார். இந்தப் படத்தில் பவானி ஶ்ரீ-க்கு மிகப்பெரிய கதாபாத்திரம் கொடுக்கப்பட உள்ளதாகத் தெரிகிறது. இந்தப் படத்தில் பவானி ஶ்ரீ கவர்ச்சி நாயகி ஆக இருப்பார் எனவும் கூறப்படுகிறது. இயக்குநர் வெற்றிமாறனின் யதார்த்தமான கதாபாத்திரங்களுள் ஒன்றாகவே பவானி ஶ்ரீ-யின் கதாபாத்திரம் அமைய உள்ளதாம்.
இந்தப் படத்தில் கெளரவ தோற்றத்தில் நடிகர் விஜய் சேதுபதியும் நடிக்கிறாராம். இந்தப் படத்தின் படப்பிடிப்பு தற்போது சத்தியமங்கலம் காட்டுப் பகுதிகளில் நடைபெற்று வருவதாகக் கூறப்படுகிறது.
