கிரிக்கெட்
“அப்பா… இந்த ஷூ லேஸ் கட்டிவிடு”- சீரியஸாக வீடியோவில் பேசிய கிரீம் ஸ்மித்; நடுவில் வந்து ஹஸ்கி வாயஸில் கேட்ட மகன் #ViralVideo
தென் ஆப்ரிக்க கிரிக்கெட் அணியின் முன்னாள் கேப்டன் கிரீம் ஸ்மித். தற்போது அவர் கிரிக்கெட் போட்டிகளில் விளையாடுவதில் இருந்து ஓய்வு பெற்று விட்டார். அதே நேரத்தில், தொடர்ந்து பல்வேறு கிரிக்கெட் தொடர்களில் வர்ணனையாளராகவும், வல்லுநராகவும் பங்கேற்று தன் கருத்துகளை சொல்லி வருகிறார். அப்படிப்பட்ட கிரீம் ஸ்மித்திற்கு, அவரது மகன் பல்பு கொடுத்த சம்பவம் இணைய வைரலில் வேற ரகம்.
ஸ்மித், ஒரு தனியார் தொலைக்காட்சிக்காக வீட்டில் இருந்தபடியே வீடியோ மூலம் ‘பாகிஸ்தான் – தென் ஆப்ரிக்கா’ இடையிலான கிரிக்கெட் தொடர் பற்றி பேசுகிறார். அதில் தென் ஆப்ரிக்கா, எந்த மாதிரியான நடவடிக்கைகளில் ஈடுபட வேண்டும் என்பது பற்றியெல்லாம் அவர் மிக சீரியஸாக விவாதித்துக் கொண்டிருக்கும் போது, அவரது மகன் பேக்-கிரவுண்டில் உலாவுகிறார். முதலில் கையை வைத்து சைகை செய்து அங்கிருந்து விலகும்படி ஸ்மித், மகனுக்கு அன்புக் கட்டளைப் போடுகிறார்.
இருந்தாலும் அந்த வாண்டு விடாமல் அவர் அருகில் வந்து, ‘அப்பா… அப்பா… இந்த ஷூ லேஸ் மட்டும் கட்டிவிடுங்களேன்…’ என யாருக்கும் கேட்காதபடி ஹஸ்கி வாய்ஸில் ரிக்வஸ்ட் வைக்கிறது. அதற்கு ஸ்மித்தும் சிரித்துக் கொண்டே ஷூ லேஸ் கட்டிவிட்டு, வீடியோவிலும் நெறியாளரிடம் அது குறித்து விளக்குகிறார்.
அதற்கு நெறியாளர், ‘எவற்றலிருந்து வேண்டுமானால் ஓய்வு கிடைக்கலாம். அப்பா என்னும் வேலையில் இருந்து ஓய்வு கிடைக்காது’ என்கிறார். அதற்கு ஸ்மித்தும் ஆமோதித்து தலையசைக்கிறார். இந்த வீடியோ பார்ப்போர் முகங்களில் மகிழ்ச்சியை வரவழைக்கும் வகையில் உள்ளது.
வீடியோ இதோ:
Graeme Smith’s son crashing a press conference so he can get his shoelaces tied is absolutely adorable ❤️ pic.twitter.com/OorqWXm9Pz
— Wisden (@WisdenCricket) January 22, 2021