உலகம்
தொடர்ந்து மைனஸில் செல்லும் வெப்பநிலை..காஷ்மீரில் கடும் குளிர்!
ஸ்ரீநகர்: ஜம்மு காஷ்மீரில் கடந்த சில வாரங்களாக மிக கடுமையான பனிப்பொழிவு நிகழ்ந்து வருகிறது.
உலகம் முழுக்க பல நாடுகளில் தற்போது பனிப்பொழிவு அதிகம் ஆகியுள்ளது. அமெரிக்காவில் பல இடங்கள் பனிபொழிவால் பாதிக்கப்பட்டு வருகிறது.
சென்னையிலும் கூட கடந்த வாரம் மிக குறைவான வெப்பநிலை நிலவியது. இந்த நிலையில் எப்போதும் குளிராக இருக்கும் ஜம்மு காஷ்மீரில் வெப்பநிலை மேலும் குறைந்து பனி அதிக அளவில் பொழிந்து வருகிறது.
காஷ்மீரில் இரவில் வெப்பநிலை தொடர்ந்து குறைந்து கொண்டே செல்கிறது. கடந்த ஒரு வாரமாக அங்கு வெப்பநிலை யாரும் எதிர்பார்க்காத அளவிற்கு குறைந்து இருக்கிறது. அதேபோல் கடந்த ஒரு வாரமாக அங்கு பகலிலும் கூட வெப்பநிலை மைனஸ் டிகிரி செல்ஸியஸை விட்டு அதிகம் ஆகவே இல்லை என்று கூறுகிறார்கள்.
