செய்திகள்
உதயநிதியை துணை முதல்வர் ஆக்க வேண்டும் – முதல்வர் ஸ்டாலினுக்கு கோரிக்கை
முன்னாள் முதல்வர் கருணாநிதியின் பேரன் மற்றும் முதல்வர் ஸ்டாலினின் மகன் உதயநிதி. கல்லூரி படிப்பை முடித்ததும் ரெட் ஜெயண்ட் மூவிஸ் எனும் தயாரிப்பு நிறுவனத்தை துவங்கி பல படங்களை தயாரித்தார். பின்னர் அவரே நடிகராக மாறினார்.
நடந்து முடிந்த சட்டமன்ற தேர்தலில் திமுக சார்பில் சென்னை சேப்பாக்கம் தொகுதியில் போட்டியிட்டு வெற்றி பெற்று தற்போது சட்டமன்ற உறுப்பினராக மாறியுள்ளார். மேலும், அந்த தொகுதியில் வசிக்கும் மக்களின் கோரிக்கையை கேட்டு உடனுக்குடன் அவர் செய்து தருவதால் அவர் தொகுதியில் அவருக்கு மிகவும் நல்ல பெயர் உள்ளது.
எம்.எல்.ஏ.வாக சிறப்பாக செயல்படும் அவருக்கு அமைச்சர் பதவி கொடுக்க வேண்டும் என சமீபத்தில் கல்வித்துறை அமைச்சர் அன்பில் மகேஷ் பொய்யாமொழி கூறியிருந்தார்.
இந்நிலையில், உதயநிதி ஸ்டாலினுக்கு துணி முதலமைச்சர் பிரிவு வழங்குமாறு தமிழ்நாடு காங்கிரஸ் விவசாய பிரிவு மாநில பொதுச்செயலாளர் ஆர்.எஸ்.ராஜன் முதலமைச்சர் மு.க. ஸ்டாலினுக்கு கடிதம் எழுதியுள்ளார்.