சினிமா செய்திகள்
ஜெயலலிதாவாக நடிக்கும் கங்கனா! பிறந்த நாளில் ரசிகர்களுக்கு ஸ்பெஷல் நியூஸ்!
தாம்தூம் படத்திற்கு பிறகு மிக நீண்ட இடைவெளிக்குப் பின் மீண்டும் தமிழில் நடிக்க உள்ளார் கங்கனா ரனாவத். அதுவும் மறைந்த முன்னாள் முதல்வர் ஜெயலலிதா வேடத்தில்.
நடிகை கங்கனா ரனாவத்தின் 32வது பிறந்த நாள் சனிக்கிழமை கொண்டாடப்பட்டது. பிறந்த நாளன்று தனது ரசிகர்களுக்கு ஸ்பெஷல் செய்தியாக, ஜெயலலிதாவாக தான் நடிக்க உள்ள செய்தியை வெளியிட்டார் கங்கனா ரனாவத்.
மதராசபட்டினம், தலைவா, தேவி படங்களை இயக்கிய இயக்குநர் ஏ.எல். விஜய், தலைவி என்ற பெயரில் ஜெயலலிதாவின் பயோபிக்கை இயக்குவதாக அறிவித்திருந்தார். அந்த படத்தில் ஜெயலலிதா வேடத்தில் நடிக்க வித்யாபாலனை அணுகி இருந்த செய்திகள் வெளியாகி இருந்தன.
இந்நிலையில், விஜய் இயக்கத்தில் கங்கனா ரனாவத் ஜெயலலிதாவாக நடிக்க உள்ளார் என்ற அதிகாரப்பூர்வமான தகவல் வெளியாகியுள்ளது.
மறைந்த முன்னாள் முதல்வர் ஜெயலலிதாவின் வாழ்க்கை வரலாற்றை வைத்து மிஷ்கினின் உதவி இயக்குநர் பிரியதர்ஷினி, அயர்ன் லேடி படத்தை இயக்கி வருகிறார். அதில், நித்யா மேனன் ஜெயலலிதாவாக நடிக்கிறார்.
கெளதமன் மேனன் லீடர் எனும் வெப் தொடர் எடுக்கிறார். அதில், ஜெயலலிதாவாக ரம்யா கிருஷ்ணன் நடிக்கிறார்.
இந்நிலையில், விஜய் இயக்கும் படத்தில், கங்கனா ரனாவத் நடிக்க உள்ளார்.
